¿Imatá nisunman revistasta rikuchichkaspa?

Torremanta Qhawaq 1 junio

“Achkha runas Diosmanta ninku: ‘Mana rikuspaqa, mana paypi creeymanchu’, nispa. Qamrí, ¿kikillantataqchu yuyanki? [Kutichinanta suyariy, chantá Romanos 1:20, ñawiriy.] Kay revistaqa Diospa ruwasqanpi iskay kʼacha kaykunanta rikuchin; chantapis sutʼinchan, imaraykuchus chaymanta yachakunanchik kasqanta.”

¡Despertad! junio

“Wawasta uywayqa, mana atikullanchu, ¿icharí? Astawanraq wawas waynayachkaptinku. ¿Piwantaq wawasta allinta uywanapaq yuyaychachikusunman? [Kutichinanta suyariy. Chantá Isaías 48:17, 18, ñawiriy.] Kay revistaqa, yachaymanta, japʼiqaymantawan, parlan, chaytaq tatasta wawasninkuta uywanankupaq yanapanman, chantapis tiemponchikpaqjina yuyaychaykuna, tarikullantaq.”

Torremanta Qhawaq 1 julio

“May chhika runasqa, Biblia nisqanmanjina Jatun Para kasqanmanta, Noep ruwasqanmanta ima, uyarinku. ¿Chiqachu chay kaman? [Kutichinanta suyariy.] Jesús Jatun Para kasqantapuni parlarqa, qhawarina [Lucas 17:26, 27, ñawiriy]. Kay revistaqa astawan sutʼinchachkan, Jatun Para kasqanmantapuni, chantapis imatachus ñuqanchik chaymanta yachakunanchiktapis.”

¡Despertad! Julio

“Casarasqa kaqkunapaq chʼampaykunaqa, astawan yapakuchkan, chayraykutaq achkha divorciakuchkanku. [Proverbios 12:18, ñawiriy] ¿Ima niwaqtaq kay yuyaychaymanta? ¿Casarasqa kaqkunata yanapanmanchu? [Kutichinanta suyariy.] Kay revistaqa, Bibliamanta wak pʼitikuna, casarasqas jukchasqas kanallankupaqpuni yanapasqanta, sutʼinchan.”