Jehovata, munakunankupaq yachachiy
1. ¿Imataq wakin runasta, Jehovata yupaychanankupaq tanqan?
1 ¿Ñawpaq kutipi Jehovamanta parlarisusqankuta yuyarikunkichu? ¿Imataq payta yupaychanaykipaq tanqasurqa? Allin sunquyuq runasqa ninkuman, Diosninchik may kʼacha kayniyuq, khuyakuyniyuq kasqan, payta yupaychanankupaq tanqasqanta (1 Juan 4:8).
2, 3. ¿Imaynatá yachakuqta, kay Yachachin libronchikwan, Jehovata astawan munakunanpaq yanapasunman?
2 “Kaymin Diosninchejqa.” Yachachin libroqa, allinta sutʼinchachkan, Jehovap munakuyninmanta, amigonman tukuy may sumaq kasqanmantawan. ¿Imaynatá kay librowan runa masinchikta, Diosta munakunankupaq yanapasunman? Yachachichkaspaqa, sapa kuti, wak yachachiyman pasanapaq, jinata tapurisuman, “¿imatataq kay chiqa yachay, Jehovamanta yachachiwanchik?” Chayri “¿Imaynamantá, kaypi sutʼinchakun, Jehovalla tatanchik kananta munasqanchikta?”, nispa. Ajinamanta yachakuqta, yanapayta atisunchik, tukuy kawsayninpi Jehovamanta mana karunchakunanpaq.
3 Yachakuq, kʼata chiqa Diosta riqsiy may sumaq kasqanta reparaptin, paymanta astawan yachakuyta maskʼaptin ima, profeta Isaiasjina: “Kaymin Diosninchejqa”, ninqa (Isa. 25:9). Bibliap yachachisqanta sutʼinchachkaspaqa, ima tʼinkastachus kamachiq Jesucristo, Diospa munayninmanjina, runapaq apamunanta, sutʼita entiendechinanchik tiyan (Isa. 9:6, 7).
4, 5. ¿Ima ninayantaq Jehovata munakuy?
4 ¿Imaynapi Jehovata munakusqan rikukunqa? Jehovata tukuy sunqunchikwan, kawsayninchikwan, yuyayninchikwan ima munakunanchikta yachanchik, chaywanpis mana munakuyllachu kanan tiyan, manaqa Diospa yuyaychasqanta japʼikuna, chaymanjinataq kawsana tiyan (Sal. 97:10). Chayrayku Diospa, kamachisqasninta kasukuspa, ‘juchamanta tʼaqasqa, chiqan kaqmanjina kawsakuspa’, llakiypi, chayri churanakuypi ima, munakusqanchikta rikuchisun (2 Ped. 3:11, 12; 2 Juan 6).
5 Diospa munayninta, tukuy sunqu juntʼaspaqa, mayta miskʼirichikunchik (Sal. 112:1). Yachakuq, manaraq chayta yachachkaspaqa, ñawpaqta yachanan tiyan, Jehovaqa kamachisninpaq allinninkupaq kamachiykunata churasqanta, chantapis, Ruwasqasninmanta, tukuy sunqu pachis nisqanta rikuchinanpaq, Diospa yuyaychasqanmanjina kawsanan tiyan (Deu. 10:12, 13). Chantapis yachakuqman sutʼita rikuchiy, Jehovap nisqanmanjina kawsakuspaqa, tukuy laya llakiykunamanta jarkʼakusqanchikta.
6. ¿Ima tʼinkastataq Jehovata munakuq runa japʼiyta atinman?
6 Diosta munakuqkunapaq tʼinkas. Diosninchik payta munakuqkunata, munakusqanrayku, ‘mana taripay atina yachayta’ paykunaman sutʼinchan (1 Cor. 2:9, 10). Chaytaq, sutʼita rikuchin, Diosninchikpa munaynin qhipaman juntʼakunantapuni, chaypi suyakuyninchikta churanata ima (Jer. 29:11). Ajinamanta yachakuqqa rikunqa, Jehovata munakuqkunaqa, kʼacha kayninta japʼisqankuta (Éxo. 20:6). Chayrayku paykunapis wiñay kawsayta suyakunqanku, Jehová paykunatapis, mayta munakusqanrayku (Juan 3:16).
7. ¿Imatá niwaq, wak runasman Jehovata munakunankupaq, yachachiymanta?
7 Astawan sumaqta janaq pachapi Tatanchikmanta yachaspaqa, astawan runa masinchikman willananchik tiyan (Mat. 13:52). ¡May sumaq kay ruwayqa! Imaraykuchus wakkunata Diosta munakunankupaq yanapayta atisunman, wawasninchiktaqa astawanraq, yanapananchik tiyan (Deu. 6:5-7). Chayrayku, pikunamanchus yachachichkanchik chaykunawan khuska Jehovata yupaychaspa mayta kusirikunachik, imaptinchus payqa may Kʼachamin (Sal. 145:7).