¿Imatá nisunman revistasta rikuchichkaspa?

Torremanta Qhawaq Octubre-Diciembre

“Pillapis familiamanta wañupuptin, mayta nanawanchik, ¿icharí? ¿Imaynatá chay nanaywan kawsasunman? [Kutichinanta suyariy. Chaymantataq, Santiago 4:8a, ñawiriy.] Kay revistaqa, imatachus chay llakiyta atipanapaq ruwananchikmanta parlan.” Tawa paginapi yachaqanata rikuchiy.

¡Despertad! Diciembre

“Kay killapiqa, tukuypis Jesusta jatunpaq qhawasqankuta rikuchiyta munanku. Chaywanpis, kay pʼiti jinata nin. [Juan 14:15, ñawiriy.] ¿Imaynatá sumaqmanta chayta ruwasunman? [Kutichinanta suyariy.] Wakin runasqa, Jesuspa paqarikusqan pʼunchayta jatunpaq qhawasqankuta rikuchiyta munanku, chaywanpis maykʼaqchus paqarikusqan, mana yachakunchu. Chantá, ¿imaraykutaq 25 diciembre kasqanta ninku? Kay revistapi kutichiwanchik.” Chunka paginapi yachaqanata rikuchiy.

Torremanta Qhawaq Enero-Marzo

“Runaqa, Mariamanta tukuy imaymanata yuyan. ¿Imatataq qam Mariamanta yuyanki? [Kutichinanta suyariy.] Bibliaqa, Diosninchik, churinpa maman kananpaq Mariata akllasqanta yachachiwanchik [Lucas 1:30-32, ñawiriy]. Kay revistaqa, imatachus paymanta yachakuyta atisqanchikta sutʼinchan.”

¡Despertad! Enero

“Tukuyniqpi quchas, mayus ima, chʼakipuchkanku, chayraykutaq achkha runa ukyanapaq yakuta mana tariyta atichkankuchu. Yuyasqaykimanjina, ¿kanmanchu pillapis kay chʼampayta allinchananpaq? [Kutichinanta suyariy. Chantá, Jeremías 10:23 ñawiriy.] Kay revistaqa, imaynatachus Biblia nisqanmanjina, kay chʼampay allinchakunanmanta parlan.”