¿Imatá nisunman revistasta rikuchichkaspa?

Torremanta Qhawaq Abril-Junio

“¿Biblia runaspa kawsayninta tikrachiyta atinmanchu? [Kutichinanta suyariy.] Bibliap nisqanta qhawarina [Hebreos 4:12, ñawiriy]. Kay revistaqa, imaynatachus Biblia, wakin runaspa kawsayninta tikrachisqanmanta parlachkan.” Kay 26 paginata rikuchiy.

¡Despertad! Mayo

“Wakin runasqa, Diospa munayninta ruwaqkuna may qhapaqman tukunankuta, yachachinku. Chaywanpis, ¿imaptintaq allin kaqta ruwaqkuna wakchallapuni kanku? ¿Dios qhapaq kananchiktachu munan? [Kutichinanta suyariy. Chantá Hebreos 13:5, ñawiripuy.] Diosqa, tukuy imaymanamanta bendeciwanchik, kay revistataq, chaymanta astawan sutʼincharichkan.” Kay 12 paginata rikuchiy.

Torremanta Qhawaq Abril-Junio

“Para mana kanman chayqa, manallataqchá kawsaypis kanmanchu. ¿Pimantaq paramanta graciasta qunanchik tiyan? [Kutichinanta suyay.] Imatachus Diospa Palabran nisqanta, qhawarina [Hechos 14:17, ñawiriy]. Kay revistaqa, para, Diospa sumaq regalon kasqanta sutʼinchan.” Kay 14 paginata rikuchiy.

¡Despertad! Junio

“Wakin warmis wawitankuta urqhuchikunku, chayta ruwasqanku, juchachus, manachus kasqanmanta runasqa, manapuni juk yuyayman chayankuchu. Chayta yachanankupaq, ¿Bibliap yachachisqan yanapanmanchu? [Kutichinanta suyariy. Chantá 2 Timoteo 3:16, 17, ñawiriy.] Kay revistaqa, imatachus Diospa Palabran yachachisqanmanta parlachkan.”