¿Astawan willayta atisunmanchu?
1. ¿Imaraykutaq kunan usqhayllata willamunanchik tiyan?
1 Jesusqa, runas Diospa Reinonmanta allin willaykunata astawan yachakuyta munasqankuta rikuspa, discipulosninman kayta nirqa: “Mañakuychej ari cosechaj dueñon Señormanta, astawan oqharejkunata cosechanman kachamunampaj”, nispa (Mat. 9:37, 38). Cosechaq tukukuynin qayllapiña kasqanrayku, usqhayllata willamunanchik tiyan. Chaypaqtaq, imaynatachus willaypi astawan llamkʼayta atinanchikpaq, Diospa yanapayninta maskʼananchik tiyan (Juan 14:13, 14).
2. Wakin hermanos runasman astawan willanankupaq, ¿imatá ruwachkanku?
2 Astawan willana. Achkha hermanos, Jehovap yachachiyninwan, yanapayninwan ima, precursorjina llamkʼayta qallarinku (Sal. 26:2, 3; Fili. 4:6). Wakin hermanostaq watapi juk killata chayri astawan precursores auxiliaresjina llamkʼanku, ajinamanta astawan willayninkuta yapanku. Paykunamanta wakinqa, chay llamkʼaypi may kusisqas kasqankurayku, aswan qhipaman precursor regularjina llamkʼayta munanku (Hech. 20:35).
3. Ñawpaqpi precursor karqankiña chayqa, ¿imapitaq kunan tʼukuriwaq?
3 ¿Watiqmanta precursorjina llamkʼawaqchu? Ñawpaqpi precursor kachkaspa may kusisqa kasqaykimanta yuyarikunkichá. Kunan, ¿watiqmanta precursor kayta munasqaykita Diosmanta mañakunkichu? Ichapis precursorjina llamkʼanallanaykipaqpuni imachus jarkʼasuq manaña kanchu, chayrayku watiqmanta precursorjina may kusisqa llamkʼayta atiwaq (1 Juan 5:14, 15).
4. ¿Imatá tukuypis ruwayta atisunman?
4 Kunankamaqa achkhataña cosechakun, pisimantawantaq kay cosechaqa tukukunqaña (Juan 4:35, 36). Chayrayku tukuypis imatachus ruwachkasqanchikta allinta reparakunanchik tiyan, jinamanta runasman willamuyninchikpi astawan llamkʼananchikpaq. Imaynatachus willayninchikta astawan yapayta mana yachanchikchu chayqa, ¿manachu sumaq willaqkuna kananchikpaq kallpachakusunman? (Mar. 12:41-44.) Precursorjina llamkʼayta atinki chayqa, Jehovap munayninmanjina ruway. ¡Kay sumaq llamkʼaytaqa kusiywan japʼikuy! (Sal. 110:3.)