Jehovata sapa pʼunchay yupaychana
1. Diospa kamachisninjina, ¿imatá ruwayta munanchik, chantá imarayku?
1 Rey Davidqa, Jehová Diosta nisqa: “Sapa pʼunchay [...,] wiñaypa wiñaynimpaj” yupaychasqayki, nispa (Sal. 145:2, 7, 21). Ñuqanchikpis Jehová Diosta, tukuy imata ruwapuwasqanchikrayku sapa pʼunchay yupaychananchik tiyan (Sal. 37:10; 145:14, 18; 2 Ped. 3:13).
2. ¿Familiapi imaynatá Diosta sapa pʼunchay yupaychayta atisunman?
2 Familiapi. Kay Examinando nisqata ñawirichkaspa, familiajina Diosta yupaychaypi yachakuchkaspa chayri tantakuykunapaq wakichikuchkaspa ima, revistaspi, librospi sumaq yachachiykuna kapuwanchik chaymanta parlarinanchikpaq. Achkha familiaspi, tatasqa, pʼunchaypi juk kutillatapis familiankuwan khuska mikhunku, chaytaq imatachus ruwasqankumanta allinllawan parlarikunankupaq, Diosta yupaychanankupaq ima, yanapan. Allin kanman tatas Diosmanta parlayta qallarinanku chayta ruwaptinkuqa, “Jehovap yuyayninmanjina yachachispa” wawasninkuta uywanankupaq yanapanqa (Efe. 6:4, NM; Deu. 6:5-7).
3. Hermanosninchikwan kachkaspa, ¿imatá ruwasunman?
3 Hermanoswan. Willaypi, tantakuypi ima, hermanosninchikwan khuska Diosta yupaychayta atinchik (Pro. 15:30; Fili. 4:8; Heb. 13:15). Jehová Diosta munakusqanchik jukchawasqanchikrayku, Diosninchik may kʼacha kasqanmantaqa, parlasqanchikpi, may agradecesqas kasqanchikta rikuchinanchik tiyan (Sal. 106:1).
4. ¿Pikunaman willaspataq Jehová Diosta yupaychayta atisunman?
4 Wak runaswan. Sapa pʼunchay wasimanta wasi willaq riyta mana atiptinchikpis, yachaywasipi, llamkʼaypi ima, compañerosninchikman chayri pillapis ñuqanchikwan kaqman, Jehová Diosmanta, imatachus ruwananmanta ima, pisillatapis parlariyta atisunman. Kʼacha sunquyuq kanku chayqa, paykunapis juk suyakuyniyuq kanqanku (Sal. 27:14; 1 Ped. 3:15). Juk hermana avionpi viajachkaspa juk warmiwan Diosmanta parlarisqa, chay warmitaq may sunquchasqa kasqanrayku hermanawan, aswan qhipaman parlanallankupaqpuni parlasqanku. Kay pachaman chʼampaykuna astawan juntʼaykuchkaptinpis, Diospa llaqtanqa, “allin kawsaymanta sumaj willayta” uyariyta munaqkunaman willamuchkallankupuni. Kay willay runas suyakuyniyuq kanankupaq yanapan, ajinamanta Jehová Diostapis yupaychayta munanqanku (Isa. 52:7; Rom. 15:11).
5. ¿Imaraykutaq Diosta yupaychayta munanchik, chayta ruwaspa pita kusichisun?
5 Jehová Diosqa, kamachisnin sapa pʼunchay payta yupaychasqankumanta, ¡maytachá kusikun! Jehová Diostaqa, tukuy ima ruwasqasnin mayta yupaychkanku, ñuqanchikpis familiapi, qutuchakuypi, chayri payta mana yupaychaqkunawan ima parlarispa, yupaychayta atillasunmantaq (Sal. 19:1-4).