¿Imatá nisunman revistasta rikuchichkaspa?

Torremata Qhawaq Enero-Marzo

“Wakinqa lantisniqta Diosta yupaychanku, wakintaq mana. Lantisniqta yupaychayta, ¿allinpaqchu Dios qhawanman? [Kutichinanta suyariy, chantá Éxodo 20:4, 5, ñawiriy.] Kay revistaqa, maykʼaqmantapachachus runa lantisniqta Diosta yupaychasqanta, chantá imatachus Biblia nisqanta sutʼinchachkan.” Kay 9 paginata rikuchiy.

¡Despertad! Marzo

“Wakinqa, Bibliata jatunpaq qhawaspapis, wakin yachachiykunasnillan kunan tiempopi yanapawasqanchikta ninku. ¿Ajinachu kanman? [Kutichinanta suyariy, chantá Romanos 15:4, ñawiriy.] Kay revistaqa, imaraykuchus Bibliap tukuy yachachiykunasnin kunan tiempopipis yanapawasqanchikta sutʼinchachkan.” Kay 28 paginata rikuchiy.

Torremanta Qhawaq Abril-Mayo

“Achkha runas ninku Jesusjina sumaqpaq qhawasqa runaqa, ni jaykʼaq kawsasqanta. ¿Jinallatataqchu qampis ninki? [Kutichinanta suyariy.] Bibliaqa imaraykuchus Jesusta allinta riqsinanchik kasqanta sutʼinchan [Juan 17:3, ñawiriy]. Jesusmanta, yachachiykunasninmanta ima, imatachus Biblia nisqanta yachayta munanki chayqa, kay revistata ñawiriwaq.”

¡Despertad! Abril

“¿Manacharí ni imapaqpis tiempo kanchu? [Kutichinanta suyariy.] Bibliamanta juk sumaq yuyaychayta ñawiripusuyta munayman [Filipenses 1:10, ñawiriy]. Kay revistaqa, imata ruwananchikpaqpis imaynatachus tiempochakunanchikta sutʼinchachkan.”