¿Imatá nisunman revistata rikuchichkaspa?

Torremanta Qhawaq Julio-Septiembre

“¿Imaraykutaq machachiq ukyanasta anchata ukyay mana allinchu? ¿Alcoholta ukyayta saqiyta atinkunmanchu? [Kutichinanta suyariy, chantá Efesios 5:18 ñawiriy.] Kay revistaqa, imatachus alcoholta ukyay ukhunchikpi ruwasqanta sutʼinchan. Chantapis, imaynatachus alcoholta saqinata, imaynatachus wakkuna yanapayta atisqankuta ima, rikuchillantaq.”

¡Despertad! Septiembre

Mateo 5:39 ñawiriy, chantá tapuriy: “Jesús, ‘lluqʼi uyaykitawan rikuchiy’ nispa, ¿imatá niyta munachkarqa? Maqachkawaptinchik, ¿mana jarkʼakunanchiktachu nichkarqa? [Kutichinanta suyariy, chantá 10 paginata rikuchiy.] Kay yachaqanaqa, chayta sutʼinchachkan”.

Torremanta Qhawaq Octubre-Diciembre

Llaqtaykipi runasta imachus llakichichkasqanmanta tumpata parlariy. Chantá, tapuriy: “¿Maykʼaqllapis saqra ruwaykuna chinkanmanchu? [Kutichinanta suyariy.] Bibliaqa, kay saqra ruwaykuna tukukunanta niwanchik [2 Pedro 3:13, ñawiriy]. Chantapis, imaraykuchus saqra ruwaykuna kasqanta, maykʼaqchus, imaynatachus tukukunanta ima, sutʼinchan. Kay revistataq, chaymanta parlachkan”.

¡Despertad! Octubre

“Kay pachaqa, llullakuywan, suwakuywan ima, juntʼa kachkan. Chayrayku wakinkunaqa, ni pipi atienekunkuchu. ¿Qampis jinatachu yuyanki? [Kutichinanta suyariy. Chantá, 2 Timoteo 3:1-5 ñawiriy.] Kawsayninchikpi rikusqanchikqa, kay profecía juntʼakuchkasqanta rikuchiwanchik. Chaywanpis, kay revistaqa, atienekunapaq runas kasqantaraq, rikuchiwanchik.”