Tapuykuna

◼ Bibliamanta yachakuq ñawpaqman richkan chayqa, ¿machkha tiempotataq yachachinanchik tiyan?

Bibliamanta yachakuq ñawpaqman richkan chayqa kay: ¿Imatapunitaq Biblia yachachin? chantá ‘Diospa munakuyninpi kallaychikpuni’ librosta tukunankama yachachinaqa aswan sumaq. Manaraq chay librosta tukuspa bautizakuptinpis, yachakunallanpuni tiyan kay iskay librosta tukunankama. Bautizakuptinpis, sapa killa machkha horastachus, machkha kutistachus yachachichkasqaykita chantapis juk yachakuqta yupanayki tiyan. Jinallataq ñuqanchikwan riq hermanopis machkha tiempotachus yachachichkasqanchikpi yanapan chayqa yupayta atillanmantaq (2009 marzo killamanta Reinomanta Willayninchikpi 2 paginanta ñawiriy).

Diospa llaqtanman kunallanraq yaykumuqkuna chiqan yachachiypi sumaq sayasqa kananku tiyan sapallankumantaña purinankupaq. Chaypaqtaq paykuna Cristopi “saphichasqas”, “creeypi kallpacha[sqas]” ima kananku tiyan, ima chʼampaytapis atipanankupaq (Col. 2:6, 7; 2 Tim. 3:12; 1 Ped. 5:8, 9). “Chiqa kaqtataq riqsinanku” tiyan wakkunata maychus kaqta yachachinankupaq (1 Tim. 2:4). Yachakuqkunawan iskaynin librosta tukuchaspaqa “kawsayman pusaq ñan[pi]” sumaq sayasqa kanankupaq yanapachkanchik (Mat. 7:14).

Manaraq bautizakuchkaptin ancianosqa Diospa Palabranta sut’ita riqsisqanta, chaymanjinataq kawsachkasqanta allinta reparananku tiyan. Yachakuq manaraq ñawpa kaq librota tukuchachkaspa bautizakuyta munaptinqa, ancianos allintaraq qhawananku tiyan. Chantapis manaraq bautizakunanpaqjina kaptinqa, ancianos yanapanankupaq qhawarinanku tiyan, jinamanta qhipaman bautizakuyta atinanpaq (kay Organizados para hacer la voluntad de Jehová, nisqa libropi págs. 216-218 ñawiriy; chayri ‘Qhatiwanankupaq yachachimuychik chanta bautizaychik’ nisqa folletopi 57-60 paginasta ñawiriy).

[2 paginapi sutʼinchaynin]

Diospa llaqtanman kunallanraq yaykumuqkuna chiqan yachachiypi sumaq sayasqa kananku tiyan