Los testigos de Jehová: organizados para predicar las buenas nuevas

Jehovamanta sutʼinchaqkunaqa pachak kuraq watastaña wakichisqas kachkanku, allin willaykunata willanankupaq. Iskay pachak kimsa chunka kuraq suyuspi, llaqtaspi ima, ni jaykʼaqjina may chhika qalluspi runasman willakuchkan (Mat. 24:14). ¿Imaraykutaq willakunan tiyan? ¿Imaynatá Jallpʼantinpi kayta ruwakun? Kay Los testigos de Jehová: organizados para predicar las buenas nuevas, nisqa videopi imaynatachus Jehovap llaqtan llamkʼachkasqanta sutʼinchan. Qhawaytawan kay tapuykunaman kutichiy.

Jehovamanta sutʼinchaqjina, ¿imaynatá kay video kallpachasunki 1) Jehovap llaqtan allin willaykunata willasqan? (2 Tim. 4:2.) 2) pachantinpi Betel wasispi familias kasqanku? 3) misionerosta, qutuchakuykunata waturiq hermanosta ima wakichisqanku? (2 Tim. 2:2.) 4) Diospa Palabranta sapa pʼunchay ukhunchanaykipaq chantá tantakuykunapaq wakichikunaykipaq? (Hech. 17:11.) 5) tantakuykunaman rispa juk sumaq yanapa kasqanta reparanaykipaq? (Heb. 10:24, 25.) 6) ima bendicionestachus tʼika pachapi japʼinanchikta? (Isa. 11:9.) 7) Diospa cosechanpi yanapakuspa llamkʼasqaykipi? (Juan 4:35.)

Kay videoqa imaynatachus tukuy pachantinpi Jehovamanta sutʼinchaqkuna willasqanchikta runas riqsinankupaq mayta yanapan. 8) Bibliamanta yachakuqkunaman, parientesninchikman, wakkunaman ima, ¿maykʼaqtaq allin kanman kay videota qhawachinanchik? 9) Kay videota qhawachisqaykimanta, ¿imatá kunan Diospa llaqtanmanta yuyanku?

Imastachus Jehová kay tiempopi ruwasqanta yachaspaqa salmistajina nisunman: “[Jehová] Diosníy, ashkha tʼukuna imasta noqaykupaj ruwarqanki, maytataj noqaykumanta yuyarikuwayku. Ni imapis qanwanqa ninakunchu”, nispa (Sal. 40:5). Kay videota allinta apaykachana, wakkunapis Jehová Diosta, llaqtanta ima jatunpaq qhawanankupaq.