Tapuykuna

◼ Bibliamanta wasi punkupi yachachispa, ¿mañakuyta ruwanachu?

Bibliamanta yachachispa mañakuywan qallarispa, tukuchaspa ima mayta yanapakun. Yachachichkaspa Jehová espíritu santonwan yanapanawanchikta mañakunchik (Luc. 11:13). Ajinamanta Bibliamanta yachakuyqa mana pukllayjinachu kasqanta rikuchinchik, yachakuqpis mañakuyta yachanqa (Luc. 6:40). Chayrayku yachachiyta qallarisqanchiktawan mañakuyta ruwana. Chaywanpis, wasi punkupi yachachispa, mañakuyta ruwanatachus manachus sapa juk reparan tiyan.

Maypichus yachachichkasqanchikta reparanallataq. Kutin kutita yachachichkanchik chayqa, chayniqpitaq pisi runaslla kaptinku qallarinapaq, tukuchanapaq ima juk mañakuyta ruwakunman. Chayniqpi runas kasqanrayku, yachakuq mana allintachu sientekunman chayqa ichapis qhipaman wasinman yaykuqta saqinawanchiktaraq suyasunman. Chayrayku yachakuqkunawan maykʼaqchus mañakuywan qallarinata, allin yuyaywan reparasunchik (Nuestro Ministerio del Reino 2005 marzo killamanta, página 4 qhawariy).