¿Jaywanapaqjinachu kachkan?

Allin kanman chayta tapurikunanchik, niraq publicacionesninchikta runaman jaywachkaspa. Imaraykuchus llikʼisqa, tʼuqrayasqa, chʼichichasqa, qʼimpirasqa, publicacionesqa, Reinomanta willayninchikta pisipaq qhawachinman, jinallataq Diospa llaqtantapis.

¿Imaynatataq publicacionesninchikta cuidasunman? Wakinqa, publicacionesta maletinninkupi chayri carterankupi, sumaqta apaykachanku. Sutʼincharinapaq; maletinninkupi chayri carterankupi librosta, revistasta, folletosta, tratadosta ima, apaykachanankupaq juk lugarta tʼaqanku. Bibliata, publicacionesta ima runaman rikuchiytawan, maletinninkuman mana llikʼinankupaqjina waqaychanku. Wakin hermanostaq publicacionesninkuta plastikumanta forrospi chayri folderkunapi apaykachanku. Ajinata apaykachaspa chayri manapis, publicacionesninchiktaqa, runata mana miskʼachinapaqjina apaychananchik tiyan (2 Cor. 6:3).