¿Imaynasmantawan Reinomanta takiykunawan kusikusunman?

Diospa kamachisninqa, takiykunata Jehovap kʼacha regalontajina qhawanku (Sant. 1:17). Chayrayku qutuchakuykunapi, manaraq tantakuy qallarikuchkaptin chayri tukukuptin ima, Reinomanta takiykunata uyarikunanpaqjinalla churakun. Tantakunapaq wasiman chayaytawan takiykunata uyariyqa sunquchawanchik, Jehovata yupaychanapaq sunqunchikta wakichinapaq ima yanapawanchik. Chantá Reinomanta takiykunata uyariyqa, tukuy sunqu sumaqta takinanchikpaq yanapawanchik. Tantakuy tukukusqantawan takiykunata uyariyqa, puraqmanta kallpachanakunapaq, parlapayanarikunapaq ima yanapawanchik. Chayrayku ancianosqa, tantakuy niraq qallarichkaptin, tukukuptin ima Jehová Diosman takinachik (pianowan khuska) nisqa discomanta takiykunata churanankupaq parlarinqanku, chaywanpis chaypi kaqkuna parlariyta atinankupaqjinalla, volumenta churananku tiyan.