Las maravillas de la creación revelan la gloria de Dios
Ashkha runas, tukuy ima kajta rikuspa mayta kusikunku. Chaywanpis pisi runaslla uj Ruwajniyoj kasqanta reparanku (Rom. 1:20). Rey Davidqa, Diosmanta Qhelqasqata leespa, Jehovaj ruwasqasninta rikuspa ima, Diosta rejserqa (Sal. 8:3, 4). Kay DVD Las maravillas de la creación revelan la gloria de Dios nisqaqa, noqanchejta, wawasninchejta, Bibliamanta yachakojkunata, tukuy ima kajmanta aswan yachakunapaj, Sumaj Ruwawajninchejpa kʼacha kaykunasninta rejsinapaj, payman qayllaykunapaj ima, mayta yanapawasunchej. Kay video nisqata qhawasqaykiman jina kay tapuykunaman kutichiy.
1) Tukuy ima kaj, maychus kananpi churasqa kasqan, may jatuchaj ima kasqan, ¿imaynatá astawan Diosta munakunanchejpaj yanapawanchej? (Isa. 40:26.) 2) Yakuta qhawarispa, ¿imatá Ruwawajninchejmanta yachakunchej? (Apo. 14:7.) 3) Jallpʼa imaynachus ruwasqa kasqan, maychus kananpi kasqan, ¿imatá Jehovaj yachayninmanta yachachiwanchej? 4) ¿Imapajtaj killa ruwasqa kashan? (Sal. 89:37.) 5) ¿Imapajtaj Dios ruwawarqanchej? 6) ¿Imataj ADN nisqa? (Sal. 139:16.) 7) ¿Imapitaj tukuy ima ruwasqa kajkunamanta waj jina kanchej? (Gén. 1:26.) 8) Mosoj pachapi, ¿imastá ruwayta munanki?
Extras chayri wajkunas: 9) ¿Maymantá colores rikhurin? 10) ¿Imaynatá yaku sachʼaj laqhesninman chayan? 11) ¿Imaynatá yaku cuerponchejta yanapan? 12) Sutʼinchariy, imaynatachus animalitos yanapanakusqankuta. 13) ¿Imaraykú yanapanakunku? 14) ¿Imaraykutaj wakin tʼikaspa chaupinpi poqoynin may sukʼasqa rikhurin?
Jehovaj ruwasqasninta sumajta qhawarina. Jesús discipulosninman, “qhawariychej phawaykachaj pʼisqosta”, “campo tʼikastapis”, nispa nerqa (Mat. 6:26, 28). Jesuspa nisqanta kasukusun chayqa, creeyninchej kallpachakonqa, Jehovapitaj atienekullasunpuni. Yachayninta, atiyninta, salvanawanchejpaj atiyniyoj kasqanta, munakuyninta imataj, jatunpaj qhawasun. Chayrayku kay pachaj imasninpi tiemponchejta usuchinamantaqa, Jehovaj ruwasqasninta qhawanapaj tiempochakuna, chantá imatachus chaykuna Diosmanta yachachiwasqanchejpitaj tʼukurina (Sal. 19:1).