Jehovaj testigosnin Internetpi kashanchej: Willaypi apaykachanapaj
Runaman Internetpi kasqanchejta willay. Wakenqa mana uyariyta nitaj publicacioneswan qhepakuyta munankuchu. Chaywanpis, wasinkupi noqanchejmanta yachanankupaj kay jw.org nisqaman yaykuyta munanku, chayrayku Internetpi kashasqanchejta tukuyman willana.
Tapuykunasninkuman kutichinapaj. Wakin kutispi wasiyoj, Bibliamanta yachakuyta munaj, chayri rejsisqanchej Jehovaj testigosnin imapichus creesqanchejta tapuriwasunman. Allin kanman celularninchejpi chayri computadoranchejpi kutichiyta rikuchinanchej, chaywanpis aswan allin Bibliatapuni leeripunachej. Mana Internetman yaykuyta atinki chayqa, imaynatachus kay jw.org nisqaman yaykuyta atisqanta rikuchiy. (“Enseñanzas Bíblicas/Preguntas sobre la Biblia”, chayri “Sobre nosotros/Preguntas frecuentes”, nisqaman yaykuy.)
Rejsisqaykiman uj publicacionta apachiy. PDF chayri EPUB nisqata uraqachiytawan Internetnejta correopi apachiwaj chayri uyarinapaj uj CD nisqapi grabawaj. Mana bautizasqaman folletota, librota chayri revistata uraqachispa qojtiyki, informeykiman qhelqayta atiwaj. Pichus apachisqanta sutʼimanta qhelqanayki tiyan, nitaj tukuy publicacionesta ujllapi apachiychu. Nitaj Internetpi mayqen lugarmanpis jallchʼaychu. (“Publicaciones”, nisqaman yaykuy.)
Mosoj willaykunata rikuchiy. Bibliamanta yachakojkunata, wajkunata ima, Jallpʼantinpi willasqanchejta, ujchasqa kasqanchejtawan jatunpaj qhawanankupaj yanapanqa (Sal. 133:1). (“Noticias”, nisqaman yaykuy.)
[5 paginapi diagrama]
(Publicacionpi qhawariy texto originalta)
Yaykuy
1 “Publicaciones” nisqapi ñitʼiytawan, maskʼay imatachus uraqachiyta munasqaykita, chantá leenapaj chayri uyarinapaj uraqachiy.
2 Kay “MP3” boton nisqapi ñitʼiy uj listata qhawanaykipaj. Publicacionpa yachaqananpitaj ñitʼiy uraqachinaykipaj chayri Internetpi uyarinaykipaj kay jina señalsitupi ñitʼiy.▸
3 Waj qallupi publicacionesninchejta uraqachiyta munanki chayqa kaypi ajllay.