¿Pitaj leeriyta munanman?
1. Revistasninchejta leeshaspa, ¿imapitaj tʼukurisunman, imaraykutaj?
1 Torremanta Qhawaj, ¡Despertad! revista ima, tukuy laya runaspaj qhelqakusqanrayku, tukuy imamanta parlan. Chayrayku revistasta leerishaspaqa, pimanchus interesananpi tʼukurina. Chay runaman jaywanapajtaj kallpachakusunman.
2. ¿Ima yachaqanastaj runaman interesanman?
2 Ichá llankʼaypi compañeronchejwan Bibliaj ujnin yachachiyninmanta parlarerqanchej, Torremanta Qhawaj revistataj chayta sutʼinchashan. Chayrí familiasta yanapanapaj uj yachaqana llojsimun, chaytaj familiaresninchejta yanapanman. Manaqa ¡Despertad! revistapi, colegiopi chayri universidadpi kajkunata interesananpaj jina uj yachaqana llojsimun. Chayrí qhatusniyojkunata chayri gobiernopaj llankʼajkunata interesananpaj uj yachaqana kanman. Sutʼinchanapaj, hospitalpi llankʼajkunaman onqoykunamanta parlaj revistata apasunman. Sajra ruwaykunamanta parlaj revistatataj, policiapi chayri juzgadospi llankʼajkunaman jaywasunman.
3. Ima yachaqanachus runaman interesananpi tʼukuriy, ¿imaraykutaj may allin?
3 Runaspi tʼukurejtinchej. Sudafricapi uj qhariwarmi, 2011 octubre ¡Despertad! revistapi “Cómo criar hijos responsables” nisqata leeytawan, maypichus willanku chaypi 25 escuelasman wajyasqanku, 22 escuelastaj alumnosman jaywanankupaj japʼikusqanku. Chay suyumanta waj qhariwarmi, kikillantataj ruwasqanku. Ujnin escuelapitaj, profesoresqa wawasman chay revistamanta yachachisqanku. Chay qhariwarmeqa, chayta qotuchakuykunata waturej hermanoman willasqanku, paytaj qotuchakuykunata kikinta ruwanankuta nisqa. Qotuchakuykuna may ashkha revistasta mañasqankuraykutaj, sucursalqa watejmanta imprimisqa.
4. ¿Imaraykutaj revistasninchejta tukuy runas leenankuta munanchej?
4 Revistasninchejqa, imaraykuchus imapis kashasqanta sutʼinchan, leejkunatataj Bibliamanta, Diospa Reinonmanta ima yachakunankupaj tanqan. Chantapis revistasnillanchej “salvacionmanta willa[nku]” (Isa. 52:7). Chayrayku tukuy runas leenankuta munanchej. Chaypajtaj tapurikuna: “Kay yachaqanata, ¿pitaj leeriyta munanman?”, nispa.