Revistaswan willaranapaj

JuIiopi ñaupaj kaj sabadota Bibliamanta yachachiyta qallarinapaj

“Tukuypis kusisqas, unaytataj kausayta munanchej. Yachayniyoj runastaj wiñay kausayta maskʼaspa, tukuy imata ruwanku. ¿Maykʼajllapis wiñay kausayta runaman qonkumanchu?” [Kutichinanta suyariy.] Chantá julio killamanta Torremanta Qhawaj revistaj wasanpi yachaqanata rikuchispa, ñaupaj kaj tapuyta paywan ukhunchay, Bibliamanta uj versiculollatapis leeriy. Revistasta saqey, chantá qhepan tapuyta ukhunchanapaj, waj pʼunchay kutinaykita niy.

Sutʼinchay: Kay rikucheyqa, 6 julio willayman llojsinapaj tantakuypi ruwakunan tiyan.

Torremanta Qhawaj 1 julio

“Ashkha runas religionniyoj kasqankuta ninku. Wakintaj religionespi mana atienekusqankuta ninku. ¿Imatá chaymanta yuyanki? [Kutichinanta suyariy.] Jesusqa imaynatachus cheqa religionta tarinata yachacherqa [Lucas 6:44a leey]. Kay revistaqa, llulla religiones ima poqoykunatachus chayri imastachus ruwasqankuta sutʼinchan. Chantapis kay tapuyman kutichin: ‘¿Ima religionpitaj atienekusunman?’.”

¡Despertad! Julio

“Tukuypis mana cheqanta ruwakusqanta rikuspa llakikunchej. Chayraykutaj ashkha runas marchasta, bloqueosta ima ruwanku. Jinata oqharikusqanku, ¿imallapipis yanapanchu? [Kutichinanta suyariy.] Bibliaqa, imachus cheqamanta yanapanawanchejta sutʼinchan [Mateo 6:9, 10 leey]. Kay revistaqa kay tapuyman kutichin: Marchas, bloqueos ima, ¿chʼampaykunasninchejta tukuchinkumanchu?”

¡Diosmanta jamoj sumaj willaykuna!

“Kay pʼunchay tukuy runaspaj Bibliamanta uj sumaj willayta apamushayku. Ashkhas tapukunku: ‘¿Imaraykutaj munakoj Dios kay jinata ñakʼarinanchejta saqen?’, nispa. ¿Ñakʼarinanchejpajchu Dios kay Jallpʼaman churawanchej? ¿Imatá ninki?” Kutichinanta suyariy. Chantá folletoj 5 yachaqananta rikuchispa, qallariypi iskaynin parrafosta, winkusqa textosta ima paywan leeriy, sutʼinchaytaj. Folletota saqey, chantá yanitapi iskay kaj tapuyta ukhunchanapaj, waj pʼunchay kutinaykita niy.