Internetpi orqhokusqanqa may sumaj wawasman yachachinapaj
1. ¿Imapajtaj “Niños” nisqa jw.org nisqapi wakichisqa kashan?
1 Internetpi jw.org nisqaqa tukuy laya edadniyoj runaspaj wakichisqa kashan. Sutʼincharinapaj, “Niños” nisqaqa, (Enseñanzas bíblicas > Niños nisqaman yaykuy) tatas wawasninkuwan ujchasqas kanankupaj, Jehovaman astawan qayllaykunankupaj ima wakichisqa kashan (Deu. 6:6, 7). Jinata wakichikusqan, ¿imaynatá wawasniykiman yachachinaykipaj yanapasunkiman?
2. ¿Imaynatá yachasunman imatachus sapa wawawan ukhunchana kasqanta?
2 Sapa ujpi tʼukuriy. Wawasqa mana kikinchu kanku (1 Cor. 13:11). Chantá, ¿imaynatá yachasunman imatachus sapa ujwan ukhunchana kasqanta? Chaypajqa, mashkha watayojchus kasqanta, imachus gustasqanta ima reparana tiyan. Chantapis imastachus ukhunchariyta, mashkha unaytachus yachakuyta atisqanpi ima tʼukurina. “Mis primeras lecciones de la Biblia” nisqataj, may sumaj kashan juchʼuy wawitasman yachachinapaj kinsa watitayojkama. Kay “De padres a hijos” nisqapitaj, wawas miskʼirichikunankupaj jina Bibliamanta yachachiykunata tarinki. Imastawanchus tariyta atisqaykita qhawarina.
3. ¿Imaynatá tatas “Ideas para la adoración en familia” nisqawan yanapachikuyta atinkuman?
3 Ideas para la adoración en familia. Kay cheqapi tataspaj sumaj yuyaychaykuna kashan. “Descargar” nisqaman yaykuy, “Guía para los padres” nisqatataj qhawariy, chaypitaj imaynatachus wawasniykiman yachachinaykipaj yuyaychaykunata tarinki. Juchʼuy wawasman yachachinaykipajtaj dibujosniyoj, chayri pintanapaj yachaqanasta tarinki. Aswan jatuchaj wawaspajtaj proyectos de intestigación nisqata tarillankitaj. Kaykunaqa, Bibliaj uj yachachiynillanmanta orqhosqa kashan, familiapi Diosta yupaychashaspa tukuyninku parlariyta atinankupaj jina.
4. ¿Imastataj “Hazte amigo de Jehová” nisqapi tariwaj?
4 Hazte amigo de Jehová. Videos, takiykuna, waj imaspiwan tatasta Diospa Palabranmanta wawitasninkuman yachachinankupaj yanapan (Deu. 31:12). Dibujitosmanta videosqa, wawasman yachachinapaj may sumaj, jinallataj wakin ruwaykunapis. Wawasman takiy gustasqanraykutaj, takiykunaqa may sumaj kashan yachakusqankuta yuyarinankupaj. Chayraykutaj sapa kuti Reinomanta takiykunata, wawaspaj takiykunata ima chay cheqaman churakun.
5. ¿Imaraykutaj tatas Jehovaj yanapayninta mañakunanku tiyan?
5 Tatas, Jehovaqa wawasniykichejta allinta uywanaykichejta, paykunaman cheqa kajta yachachinaykichejta ima munan. Chayrayku mana iskayrayaspa Paypa yanapanta mañakuychej (Jue. 13:8). Ajinamanta wawasniykichejta yanapankichej ‘salvacionta tarinankupaj Cristo Jesuspi creesqankurayku’ (2 Tim. 3:15; Pro. 4:1-4).