Revistaswan willaranapaj

Febreropi ñaupaj kaj sabadota Bibliamanta yachachiyta qallarinapaj

“Wakenqa, Biblia Diospa Palabran kasqanta ninku. Wakintaj mayqen libro jinalla kasqanta yuyanku. Qanrí, ¿ima niwajtaj?” [Kutichinanta suyariy.] Chantá febrero killamanta Torremanta Qhawaj revistaj wasanpi yachaqanata rikuchispa, ñaupaj kaj tapuyta paywan ukhunchay. Bibliamanta uj versiculollatapis leeriy. Revistasta saqey. Chantá qhepan tapuyta ukhunchanapaj, waj pʼunchay kutinaykita niy.

Torremanta Qhawaj 1 febrero

“Tukuyninchej chʼajwas chayri guerras chinkananta munasunman, ¿icharí? Chaywanpis, ¿chinkanmanchu? [Kutichinanta suyariy.] Qhawarina imatachus Biblia nisqanta [Salmo 46:9 leey]. Ñaupaj Kaj Guerra Mundialpi, chaymanta qhepaman imaschus kasqanpis, kay versiculoj nisqan juntʼakunanpi atienekunapaj kallpachawanchej. Kay revistaqa chaymanta parlashan.”

¡Despertad! Febrero

“Ashkhas ni imapaj tiempo kasqanta ninku. ¿Imaraykutaj jinata yuyankuman? ¿Ashkha ruwanasniyoj kasqankuraykuchu, chayri tiempota usuchisqankuraykuchu? ¿Ima niwajtaj? [Kutichinanta suyariy.] Bibliaqa tiemponchejta mana usuchinapaj, sumajta yuyaychawanchej [Filipenses 1:10 qallariynillanta leey]. Kay revistaqa, tiempota mana usuchinapaj tawa yuyaychaykunata sutʼinchashan.”