Revistaswan willaranapaj

Marzopi ñaupaj kaj sabadota Bibliamanta yachachiyta qallarinapaj

“Tukuyta uj tantakuyman wajyarishayku, kaytaj ruwakonqa 14 abrilta. Chaypitaj Jesuspa wañuyninta yuyarikonqa. Wakin runasqa tantakunku yuyarinankupaj Jesuspa wañuynin yanapawasqanchejta creespa, wakintaj mana yanapawasqanchejta creenku. ¿Qanrí? ¿Creenkichu Jesuspa wañuynin yanapawasqanchejta?” Kutichinanta suyariy. Chantá 1 marzo killamanta Torremanta Qhawaj revistaj wasanpi yachaqanata rikuchispa, ñaupaj kaj tapuyta paywan ukhunchay. Bibliamanta uj versiculollatapis leeriy, revistasta saqey. Chantá qhepan tapuyta ukhunchanapaj, waj pʼunchay kutinaykita niy.

Torremanta Qhawaj 1 marzo

“Ashkha runas tapukunku imaraykutaj Dios saqen sajra kajta, mana cheqan kajpis kay Jallpʼapi kananta. ¿Creenkichu Dios noqanchejmanta mana interesakusqanta chayri llakiypi kausasqanchej paypaj allillan kasqanta? [Kutichinanta suyariy, chantá Juan 3:16 leey.] Ashkha runasqa kay versiculomanta Dios munakuwasqanchejta sutʼinchaspapis, mana yachankuchu imaynatachus Jesuspa wañuynin yanapawasqanchejta. Kay revistaqa sutʼinchashan imaynatachus, Jesuspa wañuyninnejta sajra kaj, mana cheqan kajpis Jallpʼamanta chinkananta.”

¡Despertad! Marzo

“Ashkha runasqa Bibliaj ujnin versiculonmanta pantasqata yuyanku, chaytataj sutʼinchashayku [Génesis 1:1 leey]. Kaypi nin jina, wakenqa creenku tukuy ima Diospa ruwasqan kasqantapuni, wakintaj mana jinachu kasqanta ninku. ¿Qanrí, imatá ninki? [Kutichinanta suyariy.] Ashkha runastaj Diospa ruwasqanpi mana creeyta atillankuchu, religionta kamachejkuna Bibliamanta pantasqata yachachisqankurayku. Kay revistaqa, pichus cielota, kay Jallpʼatawan ruwasqanmanta, Biblia nisqanta cheqapuni kasqanta sutʼinchashan.”