Revistaswan willaranapaj

Diciembrepi ñaupaj kaj sabadota Bibliamanta yachachiyta qallarinapaj

“Familiamanta runaswan parlarishayku. Ashkha tatasqa munanku wawasninku Diosta rejsinankuta, munakunankuta ima. ¿Tataschu wawasta Diosmanta yachachinanku kanman, chayri wawaschu sapallankumanta yachakunanku tiyan?” Kutichinanta suyariy. Chantá diciembre killamanta Torremanta Qhawaj revistaj wasanpi yachaqanata rikuchispa, ñaupaj kaj tapuyta paywan ukhunchay. Bibliamanta uj versiculollatapis leeriy. Revistasta saqey. Chantá qhepan tapuyta ukhunchanapaj, waj pʼunchay kutinaykita niy.

Torremanta Qhawaj 1 diciembre

“Runaswan uj chhikanta Diosmanta parlarishayku. Wakin runasqa Dios kasqanta mana creenkuchu, wakinrí Diosqa amigonchej kasqanta, munakuwasqanchejtataj creenku. Qanrí, ¿ima niwajtaj? [Kutichinanta suyariy.] Bibliaqa niwanchej Payman qayllaykuyta atisqanchejta. [Santiago 4:8 qallariyninta leey.] Kay revistataj imaynamantachus Diosman qayllaykuyta atisqanchejmanta parlashan.”

¡Despertad! Diciembre

“Ashkha runas imaymana onqoykunawan ñakʼarishanku, watamanta watataj waj laya onqoykunañataj rikhurimushallankupuni. ¿Maykʼajllapis chay onqoykuna chinkanmanchu? [Kutichinanta suyariy.] Bibliaqa aswan qhepaman imaymana onqoykuna, nanaykuna ima chinkanankuta nin. [Apocalipsis 21:3, 4 leey.] Kay revistapeqa uj laya onqoymanta wakin imasta sutʼinchashan, chaykunatataj tukuyninchej yachananchejpuni tiyan.”