Wajyarikuyta yachana, chayta ruwayqa allin imasninchejta qoriy jina (Mat. 12:35)

Hermanosta wajyarikuspaqa kapuwasqanchejmanta allin kaj imasta qoriytapuni munanchej, chayta ruwaspataj wajyarikuyta yachasqanchejta rikuchinchej (Rom. 12:13). Ancianosqa qotuchakuypi hermanoswan parlarinku umallirichej hermanosta wasinkuman wajyarikunankupaj, gastosninkuwanpis yanaparinankupaj. Chaywanpis ichá wakin hermanosqa wasinkuman mana wajyarikuyta munallankuchu, jaywarinankupaj mana imankupis kapusqanta yuyasqankurayku chayri sumaj wakichisqatapuni imatapis jaywarina kasqanta yuyasqankurayku. Kikillantataj yuyanki chayqa, imatachus Jesús Martaman yuyaycharisqanpi tʼukuriy (Luc. 10:39-42). Jesusqa yachacherqa hermanosninchej kallpachariwasqanchej aswan walej kasqanta mikhunata chayri sumachaj imasta jaywarinamanta nisqaqa. Jesuspa yuyaychasqanqa Diospa Palabran nisqanman jinallataj, allin imasta qoriyta yachanapaj yanapasun (3 Juan 5-8).