Yachachinapaj kapuwasqanchej yanapas
1. ¿Imapitaj uj cristiano rijchʼakun uj carpinteroman?
1 Uj carpinteroqa ashkha herramientasniyoj. Wakin herramientastaqa wakin imasta ruwanallanpaj apaykachan, wakintataj tukuy imata ruwananpaj. Uj sumaj carpinteroqa necesitasqan herramientasta sumajta apaykachayta yachan. Bibliaqa niwanchej ajinallatataj willanapaj kallpachakunanchejta. Chantapis sapa cristiano kanan tiyan “sumaj trabajaj jina mana imamanta pʼenqakuspa” (2 Tim. 2:15). Bibliaqa uj sumaj yanapa, mayqentachus apaykachanchej runasta Jesuspa ‘yachachisqasninman tukuchimunanchejpaj’ (Mat. 28:19, 20). Chayrayku kallpachakuna “cheqa kaj palabrata maychus kajta” apaykachanapaj. Chaywanpis, tukuy cristianos Bibliamanta runasman yachachinapaj, kapuwasqanchej yanapasta allinta apaykachayta yachananchej tiyan (Pro. 22:29).
2. ¿Imaswantaj runasman yachachisunman?
2 Yachachinapaj kapuwasqanchej yanapas. ¿Ima yanapaspiwantaj kapuwanchej? Bibliamantaqa ¿Imatapunitaq Biblia yachachin? librowan astawan yachachinchej. Chay librota tukuytawantaj ‘Diospa munakuyninpi kallaychikpuni’ librowanñataj yachachinchej, yachakoj kausayninpi Bibliaj nisqanman jina ruwananpaj. Chayrayku iskaynin libroswan sumajta yachachiyta yachananchej tiyan. ¡Diosmanta jamoj sumaj willaykuna! folletopis kapunallawanchejtaj tiyan. Chayqa Bibliamanta yachachiyta qallarinapaj. Maypichus willanchej chaypi wakin runas pisillata leeyta yachanku chay, chayri parlasqanku qalluspi pisi publicacioneslla chayri nipuni kapuwanchejchu chayqa, Diosta uyariy chayri Diosta uyariy wiñay wiñaypaqtaq kawsanki folletoswan yachachisunman. Chantapis, ¿Pikunataj Jehovaj munayninta ruwashanku? nisqa folleto yachakojta yanapanman Diospa llajtanta rejsinanpaj. Videoswanpis runasta yanapallasunmantaj. Kay videoswan jina: ¿Imaraykutaj Bibliamanta yachakuna?, ¿Imaynataj tantakuykunasniyku?, chantá ¿Dios sutiyojchu? Chaykunatataj sumajta apaykachayta yachana.
3. ¿Imatá Reinomanta Willayninchej hojitapi qhepan killaspi yachakusun?
3 Qhepan killaspi, Reinomanta Willayninchej hojitapi, kapuwasqanchej yanapasta allinta apaykachayta yachakusun. Chayman jina ruwaspaqa kay yuyaychayta kasukusunchej: “Kawsayniykita allinta qhawakuy, jinallataj imatachus yachachisqaykitapis. Chay imaspeqa sinchʼita sayay, imaraykuchus ajinata ruwaspa, qan kikiykita salvakunki, jinallataj uyarisojkunatapis” (1 Tim. 4:16).