Creeyninkumanta yachakunachej
1. Bibliamanta Yachaqanapaj tantakuypi octubre 19 pʼunchaymantapacha, ¿imatá ukhunchasun?
1 Bibliamanta Yachaqanapaj tantakuypi, octubre 19 pʼunchaymantapacha Creeyninkumanta yachakunachej librota ukhunchasunchej. Chay libropitaj parlashan 14 runasmanta, paykunaqa Diosman cheqa sonqos karqanku. Kay librota leespaqa chay runas Jehovaman cheqa sonqos kanankurayku, ima chʼampaykunapichus rikukusqankuta sutʼita reparanchej. Chantapis kausayninchejpi paykuna jina ruwanapaj yanapawanchej (Heb. 6:12).
2. ¿Imayna wakichisqataj Creeyninkumanta yachakunachej libro kashan?
2 Imayna wakichisqataj kashan. Kay libroqa mapasniyoj, chantapis rikuchishan maykʼajchus, maypitajchus chay runas kausasqankuta. Sapa yachaqanapeqa tiyan “Kay tapuykunapi tʼukuriy” nisqa. Chaytaj yanapawasun imaschus kasqanpi tʼukurinapaj, yachakusqanchejman jina ruwanapajtaj. Chay libroqa sumaj wakichisqa dibujosniyoj. Chaykunataj yanapawanchej chay runasta rikushasunmanpis jina qhawanapaj.
3. ¿Imaynatá kay librota ukhunchay yanapawasun?
3 Imaynatá yanapawasun. Diospa Llajtanta Kamachejkunaqa kay libroj qallariyninpi ajinata kallpachawanchej: “Tukʼurillaychejtaj paykuna imaynachus sientekusqankupi, paykuna jina chʼampaykunapi rikukuspa imatachus ruwanaykichejpi ima”, nispa. Chaywantaj nisharqanku, yuyayninchejpi rikushasunmanpis jina qhawanata, chay runaspis kasunman jina. Tʼukurinapajqa tiempochakuna (Neh. 8:8). Khuskan yachaqanamanta qallarikojtin, ñaupaj semanapi imatachus yachakusqanchejta yuyarichinanpaj yachachej hermanoqa, uj minutopi chayri pisillapi parlarispa qallarinan tiyan. Tukuchananpajtaj “Kay tapuykunapi tʼukuriy” nisqa tapuykuna mana kajtenqa, ujta chayri iskay tapuyta ruwanman.
4. ¿Imaraykutaj Creeyninkumanta yachakunachej librota ukhunchananchej tiyan?
4 Kay sajra pachapeqa tukuy ima tiyan creeyninchejta pisiyachinanpaj jina. Chayrayku Jehovaqa qowanchej, kay librota, Torremanta Qhawaj revistata ima. Chaykunapitaj kikin yachaqanasta orqhokun creeyninchejta kallpachanapaj (Sant. 1:17). Bibliamanta Yachaqanapaj tantakuyman rinapaj, tapuykunaman kutichinapajtaj kallpachakuna.