Profetasmanta yachaqakuna: Habacuc
1. ¿Imaraykú yachanchej imatachus profeta Habacuc yuyasqanta?
1 Sajra ruway astawan yapakushasqanta rikuspa ichá Habacuc jina yuyasunman. Payqa Jehovata taporqa: “Imaraykutaj rikuchiwanki chay chhika ñakʼariyta, juchatapis?”, nispa (Hab. 1:3; 2 Tim. 3:1, 13). Habacuc nisqanpi, cheqa sonqo kasqanpitaj tʼukureyqa, Jehovaj juicio pʼunchaynin chayamunankama muchunapaj yanapawasun (2 Ped. 3:7).
2. ¿Imaynatá Habacuc jina cheqa sonqo kasunman?
2 Cheqa sonqo kana. Habacucqa llakiynillanpi yuyananmanta Jehovapaj astawan llankʼarqa (Hab. 2:1). Jehovaqa Habacucman nerqa Palabranta juntʼanantapuni, cheqa sonqo kajkunataj mana wañunankuta (Hab. 2:2-4). Chaytaj rikuchin kay tiempopipis kay pachaj tukukuynin maykʼajchus kananpi yuyanamantaqa, jamunanpipuni yuyana kasqanta. Chayrayku rijchʼarisqasllapuni kanapaj, Diosmanta willanallapajpunitaj creeyninchej yanapawanchej (Heb. 10:38, 39).
3. ¿Imaraykú Jehovata kusisqa sirvinallapuni tiyan?
3 Jehovata kusiywan sirvina. Magogmanta Gog nisqa Jehovaj llajtanwan churanakojtin creeyninchej pruebaman churasqa kanqa (Eze. 38:2, 10-12). Guerra pasayta runasqa llakiypi rikukunku, pikunachus atipajkunapis. Runasqa mana imayoj qhepakun, mikhuna pisiyan, kausaypis llakiy. ¿Imatá ruwasun ajina llakiykunapi rikukuspa? Habacucqa yacharqa llakiykuna kananta jinapis kusisqa Jehovata sirvisharqa (Hab. 3:16-19). “Tata Diospa kusikuynenqa” noqanchejtapis llakiykunata muchunapaj yanapawasun (Neh. 8:10; Heb. 12:2).
4. ¿Imatá ruwasunman kunan, aswan qhepamanpis?
4 Jehovaqa juicio pʼunchaypi mana wañoj runasta yachachillanqapuni (Hab. 2:14). Kausarimoj runaspis Jehovamanta yachakullanqankutaj. Chayrayku kunanmantapacha mayllapipis, pillamanpis Diosmanta willarina, jatuchaj imasta ruwasqanmantataj (Sal. 34:1; 71:17).