Jobqa ñakʼarispapis cheqa sonqollapuni karqa

Jobqa Uz llajtapi tiyakorqa, israelitas Egipto llajtapi ñakʼarichisqas kashajtinku. Mana israelita kaspapis Jehová Diosman cheqa sonqo karqa. Ashkha wawasniyoj karqa, qhapajtaj. May yachayniyoj, cheqan runataj kasqanrayku may rejsisqa karqa. Chantapis wajchasta yanapaj, khuyakojtaj. Jobqa cheqa sonqo karqa.

Jobqa Jehovata aswan sumajpaj qhawarqa

1:8-11, 22; 2:2-5

• Kuraj Supayqa, Job cheqa sonqo kasqanta qhawarqa. Chantapis yacharqa kasukoj kasqanta, chayrayku imaraykuchus kasukusqanta iskaychachiyta munarqa.

• Satanasqa nerqa Job mana Diosta munakusqanraykuchu sirvisqanta.

• Jehovaqa, Satanaspa nisqan mana cheqachu kasqanta rikuchinanpaj, Jobta tukuy imapi ñakʼarichinanta saqellarqa.

• Job cheqa sonqo kasqanta rikuspataj, tukuy runastañataj juchacharqa.

• Jobqa ñakʼarisqanmanta mana Diospaj rimarqachu, nitaj juchacharqachu.