“Kaypi kani, noqata kachaway ari”

Profeta Isaiasmantaqa mayta yachakusunman. Payqa sinchʼi creeyniyoj kasqanta rikucherqa, usqhayllatataj kasukorqa mana imastapunichus ruwananta yachaspapis (Isa 6:8). Familiaykiwan khuska maypichus pisi predicajkunalla kanku chayman, ¿ripuyta atiwajchejchu? (Sl 110:3). Chayta ruwanapajqa allintaraj tʼukurina, yuyaycharikunataj (Lu 14:27, 28). Jinapis mayllamanpis predicaj rinapaj wakichisqa kanaykichej tiyan (Mt 8:20; Mr 10:28-30). Waj lugarman yanapakoj ripuyku nisqa videopi qhawasqanchejman jina, Jehovata sirvispaqa ashkha bendicionesta japʼinchej, chayta ruwanapaj tukuy imata saqespapis.

VIDEOTA QHAWAYTAWAN KAY TAPUYKUNAMAN KUTICHIYCHEJ:

• ¿Imastataj familia Williams ruwananku karqa Ecuadorman ripunankupaj?

• ¿Imaspitaj tʼukurerqanku maymanchus ripunankuta ajllashaspa?

• ¿Ima bendicionestataj japʼerqanku?

• ¿Imaynatá astawan yachasunman maypichus pisi predicajkunalla kasqanmanta?

FAMILIAPI DIOSTA YUPAYCHANAPAJ TANTAKUYPI KAYKUNATA UKHUNCHARIYCHEJ:

• ¿Imastataj astawan ruwasunman familia jina astawan predicanapaj? (km 8/11 págs. 4-6).

• Mana waj lugarman ripuyta atispa, ¿imaynasmantá congregacionninchejpi yanapakusunman? (w16.03 págs. 23-25).