CRISTIANO KAUSAYNINCHEJ
¿Imaynatá Bibliata sumajta estudiasunman?
¿Munawajchu Daniel jina llakiykunapi kashaspa Diosmanta mana karunchakuspa kausakuyta? Danielqa Diospa Palabranta sumajta estudiaj, mana entiendeyta atinapaj jina profeciastapis (Da 9:2). Bibliata sumajta estudiayqa yanapawasun Diosmanta mana karunchakunapaj. Ajinamantataj Diospa nisqasnin juntʼakunanpi astawan atienekusun (Jos 23:14). Diostapis astawan munakusun, allin kajtataj ruwasun (Sl 97:10). Imaynatachus Bibliamanta sumajta yachakunanchejta qhawarina.
¿Imasmantá yachakusunman? Bibliamanta sumajta yachakunapajqa, tantakuykunapajpis estudiananchej tiyan. Bibliata leeshaspa uj versiculota mana entiendespaqa ukhuncharina astawan yachakunapaj. Wakenqa Bibliaj profeciasninmanta, Diospa atiyninpa poqoyninmanta, apóstol Pablo misionero jina maykunamanchus risqanmanta chayri Diospa ruwasqasninmanta yachakunku. Ima ratollapis Bibliamanta imatapis yachakuyta munaspaqa, chayta anotakuspa qhepan kutipi estudiarisunman.
¿Maypitaj yanapasta tarisunman Bibliata sumajta estudianapaj? Bibliamanta sumajta yachakunapaj yanapas nisqa videopi wakin yuyaychaykunata tarisunman. Sumajta entiendesqaykita yachanaykipaj, Daniel 7 capitulopi rikhurej phiña animales mayqen atiyniyoj suyuswanchus ninakusqanta estudiay.
¿Mashkha horastataj estudiana tiyan? Dioswan amigos kanapajqa mana saykʼuspa estudiana tiyan. Qallariypeqa ichá pisi tiempollata Bibliata estudiasunman, pisimanta pisitaj astawan unayta estudiasunman. Bibliata estudiayqa pʼampasqa qolqeta maskʼay jina. Imaraykuchus Bibliamanta sutʼita yachaspaqa, astawan yachakuyta munasun (Pr 2:3-6). Diospa Palabrantapis aswan jatunpaj qhawasun, Bibliamanta yachakullaytapunitaj munasun (1Pe 2:2).
¿IMAWAN NINAKUNKU DANIEL 7 CAPITULOPI RIKHUREJ PHIÑA ANIMALES?
WAJ TAPUY:
¿Imaynatá Daniel 7:8, 24 versículos juntʼakorqa?
BIBLIATA ESTUDIASHASPA KAYTA YACHAKUNA:
¿Imawan ninakun Apocalipsis 13 capitulopi rikhurej animales?