Judíos Pascuata ruwasqankoqa, mana Señorpa Cenan ruwakunanpajchu karqa. Jinapis Pascua fiestamantaqa wakin imasta yachakusunman. Apóstol Pablo nerqa: “Cristoqa, Pascua corderonchej jina noqanchejrayku wañorqa”, nispa (1Co 5:7). Israelitasqa pascua corderoj yawarninta punku kʼaspisman chʼajchorqanku, wawasninkoj kausayninkuta salvanankupaj. Jesuspa yawarnintaj, ashkha runaspa kausayninkuta salvan (Éx 12:12, 13). Chantapis israelitasqa pascua corderoj tullusninta mana pʼakinankuchu karqa. Jesuspa tiemponpeqa, kʼaspipi wañoj runaspa tullusninta pʼakiraj kanku. Jinapis Jesusta wañuchishaspaqa, ni mayqen tulluntapis pʼakerqankuchu (Éx 12:46; Jn 19:31-33, 36).