BIBLIAMANTA SUMAJ YACHACHIYKUNA | MARCOS 3, 4
Jesús Samarikuna Pʼunchaypi uj runata sanoyachin
Fariseoswan leymanta yachachejkunawanqa, Samarikuna Pʼunchaypaj ashkha kamachiykunata churarqanku. Pikita wañucheyqa jucha karqa. Tullu pʼakisqasta, chaki qʼewisqasta chayri maki qʼewisqasta jampiykuypis juchallataj karqa. Paykunaqa nej kanku: “Uj runa wañuy patapi kashajtillan, Samarikuna Pʼunchaypi yanapana tiyan”, nispa. Chay kamachiykunata churaspa, Samarikuna Pʼunchayta llasa qʼepiman tukucherqanku. Paykunaqa makin chʼakisqa runamanta mana llakikorqankuchu. Chayrayku Jesusqa, fariseosta, leymanta yachachejkunatawan rumi sonqo kasqankuta nerqa.