Aswan sumaj yachachejkuna kana: Runaswan parlarina Diosmanta willarinapaj

Jesusqa uj samaritana warmiwan parlariytawan, Diospa Gobiernonmanta willarerqa. ¿Imatataj ruwasunman mana rejsisqa runaswan parlayta qallarinapaj?

• Tukuywan kʼachamanta parlarina. Jesusqa saykʼusqa kaspapis, samaritanawan parlarerqa. Payqa yakituta mañarikuspalla parlayta qallarerqa. Noqanchejpis runata kʼachamanta saludariytawan, ichá nisunman: “chirimushanqa ¿i?”, “rupharimushan”, chayri “¿kayta yacharqankichu?”, nispa. Runas parlapanawanchejpaj jina parlarichina. Mana kutichiwajtinchejtaj ama llakikunachu. Waj runawanñataj parlarina. Chaypajqa Jehová Diosmanta kallpata mañakuna (Ne 2:4, 5; Hch 4:29).

• Tukuywan Diospa Gobiernonmanta parlarinapaj kallpachakuna. Jinapis runata mana mancharichinapaj jinalla, nitaj pʼenqachinapaj jinalla parlarina. Ama munajta mana munajta parlachinachu. Diosmanta manaraj parlarishajtinchej ripun chaytaj, ama llakikunachu. Predicayta manchachikunchej chayqa, ñaupajta runawan parlarinallapajraj kallpachakusunman [1 kaj videota rikuchiy, chantá uyarejkunawan ukhunchariy].

• Runaswan parlarishaspa, tapurinawanchejpaj jina imapichus creesqanchejmanta parlarisunman. Jesusqa chayta ruwarqa. Payqa samaritana astawan yachayta munananpaj jina parlarerqa. Samaritanataj Jesusta tapurerqapacha. Jesusrí chay tapuyninman kutichispa, Diospa Gobiernonmanta willarerqa [2 kaj videota rikuchiy, chantá uyarejkunawan ukhunchariy. Chantá 3 kaj videowan kikillantataj ruway].