“Jehovaman uj sumaj jaywanata jaywana”

¿Imaynatataj Jehová ‘Diosman imatapis jaywasunman’? (1Cr 29:5, 9, 14). ¿Imaynasmantá yanapakusunman lugarninchejpi, mundontinpi ima Diospa Gobiernonmanta willakunanpaj? Kay urapi willakushan, imaynatachus qolqesitunchejwan yanapakuyta atisqanchejta.

CAJITASPI, INTERNETNEJTA IMA CHURASQANCHEJ QOLQEQA KAYKUNAPAJ KASHAN:

• 

  JALLPʼANTINPI WILLAKUNANPAJ

  Betel wasis, traducinapaj oficinas ima ruwakunanpaj, chay wasispa gastosninpajwan.

  Diospa llajtanpi escuelaspaj.

  Jehovapaj tukuy tiemponkuta churaspa llankʼajkunapaj.

  Jatun llakiypi kaj hermanosta yanapanapaj.

  Videos ruwakunanpaj, publicaciones papelpi, Internetpi ima orqhokunanpaj.

• 

  CONGREGACIONPA GASTOSNINPAJ

  Tantakuna Wasita allinchanapaj, luzmanta, yakumanta, waj gastosta ima paganapaj.

  Sucursalman apachinapaj. Congregación kay imaspaj qolqeta apachinanta nejtin:

  • Jatun tantakuna wasis, salones ima mundontinpi ruwakunanpaj.

  • Programa Mundial de Ayuda nisqaman.

  • Diospa llajtanpi waj imas ruwakunanpaj.

JATUN TANTAKUYKUNA

Kinsa diamanta jatun tantakuypi churasqanchej qolqeqa, jallpʼantinpi willakunanpaj apachikun. Chay qolqewantaj ruwakun: jatuchaj tantakuykuna, ashkha suyusmanta jatun tantakuykuna, waj asambleas ima.

Uj pʼunchaypaj jatun tantakuypi churasqanchej qolqetaj, chay tantakuypa gastosninpaj apaykachakun, nisunman localta alquilanapaj, imatapis allinchanapaj, waj gastospajwan. Wakin circuitosqa, gastosninkuta pagaytawan puchoj qolqeta jallpʼantinpi willakunanpaj sucursalman apachinku.