Estudiosninchejta videoswan yachachina

Fotosta chayri videosta qhawaspaqa sumajta imatapis entiendenchej, nitaj qonqapullanchejchu. Jehová Diospis kamachisninman sumajta yachachinanpaj wakin imasta rikucherqa (Gé 15:5; Jer 18:1-6). Sumaj Yachachej Jesuspis ajinallatataj yachacherqa (Mt 18:2-6; 22:19-21). Kay tiempopitaj runasman yachachinapaj ashkha videos tiyan. Chayrayku allin kanman noqanchejpis chay videosta estudiosninchejman rikuchinanchej.

Chunka videos tiyapuwanchej ¡Diosmanta jamoj sumaj willaykuna! folletoj yachaqanasninta sutʼinchanapaj. Chay videospa titulosnenqa chay folletoj yachaqanasninpi rikhurej tapuykunasman jina kashan. Internetpeqa chay folletoj sapa yachaqananpi willashan ima videotachus rikuchinanchejta. Bibliamanta yachachinapajqa waj videos tiyapullawanchejtaj.

Wakin estudiosninchejqa imatachus yachachishasqanchejta mana entiendeyta atillankuchu chayri llakiypi rikukushanku. Paykunata yanaparinapajtaj Internetpi jw.org® chayri JW Broadcasting® nisqapi uj videota maskʼasunman. Chay videota khuska qhawarispataj ukhuncharisunman.

Sapa killa mosoj videos llojsin. Chay videosta qhawaspaqa ichapis tʼukuriwaj imaynatachus chay videowan estudiosniykita yanapanaykipi.