Ñaupa kausayninchejta saqepuna mosoj kausaywantaj pʼachallikuna

3:5-14

Ichapis Bibliata estudiayta qallarispaqa millay kausayninchejta cambiananchejpaj mayta kallpachakorqanchej. Chayta ruwasqanchejmantataj Jehová Diosqa mayta kusikorqa (Eze 33:11). Chaywanpis Diospa qosqan mosoj kausaywan pʼachallikunallanchejpuni tiyan, mana ñaupa kausayninchejman kutirinapaj. Imaspichus cambianallanchejpuni kasqanta yachanapajqa, kay tapuykunaman kutichisunman:

• ¿Sonqonchejta nanachiwarqanchej chaykunata perdonanchejñachu?

• ¿Pacienciakunchejchu apurasqa kashaspa chayri saykʼusqa kashaspa?

• ¿Kallpachakunchejchu millay yuyaykuna jamuwajtinchej yuyayninchejmanta orqhonapaj?

• ¿Waj llajtayoj runasta chayri waj lugarmanta runasta pisipajchu qhawanchej?

• Kunallanraj, ¿rabiawan atipachikorqanchejchu chayri pillatapis sonqonta nanarpacherqanchejchu?