Diospa Palabranta sapa día estudiana folletowan yanapachikuna

Diospa Palabranta sapa día estudiana nisqa folletota, ¿sapa diachu leeshanki? Mana leeshanki chayqa, kunanmantapacha leeyta qallariwaj. Ashkha hermanosqa tutamanta leerinku, diantintaj ruwanasninkuta ruwaj jina chay leesqankupi tʼukurinku (Jos 1:8; Sl 119:97). Sapa diapaj versiculoqa mayta yanapawasunman. Chay versiculota allinta entiendenapajqa chay versiculoj ñaupaqenta qhepanta ima leerina. Chantá piensarisunman Bibliapi parlaj runasmanta pichus chay versiculopi nisqanman jina ruwarqa chayri mana ruwarqachu, chaypi. Chayman jinataj ruwasunman. Diospa Palabran nisqanman jina imatapis ruwaspaqa, Dios kausayninchejpi yanapanawanchejta saqenchej (Sl 119:105).

Betelpi trabajajkunapis Diospa Palabranta sapa día estudiana nisqa folletota tutamanta estudianku. Kay qhepa wataspeqa, Betelpi sapa paqarin Bibliamanta sutʼinchakusqanmanta wakin videos Broadcastingpi kashan. Chaytataj tariwaj DIOSMAN QAYLLAYKUNAPAJ WAJ DISCURSOS nisqapi. ¿Kunallanraj qhawarqankichu? Ichapis chay videosmanta wakenqa qanpaj jinapuni kashan. Chaykunamanta ujta qhawarina. ¿Imaynatataj Lotpa ruwasqan kausayninchejpi yanapawasunman?

AMA KAY MUNDOTA MUNAKUNACHU (1JN 2:15) NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imamantataj hermanonchej chay paqarin parlarerqa?

• ¿Imaynatataj Lotpa kausaynin rikuchin kay mundota chayri kay mundopi kaj imasta munakuy mana allinchu kasqanta? (Gé 13:12, 13; 14:12; 19:3, 12, 13, 24-26).

• ¿Imaynatataj rikuchinchej mana kay mundota nitaj chaypi kaj imasta munakusqanchejta, astawanqa Jehová Diosllata munakusqanchejta?