Matrimonioykipi kusisqa kanaykipaj kallpachakuy

Jehová Diosqa munan casados imatachus casarakushaspa nisqankuta juntʼanankuta, khuskallapunitaj kanankuta (Mt 19:5, 6). Diospa llajtanpeqa ashkha casados kusisqa kausakunku. Jinapis tukuy casados pantankupuni, problemasninkutaj kanqapuni. Nitaj yuyanachu tʼaqanakojtinku chayri divorciakojtinku problemas chinkananta. Chanta, ¿imatá cristianos ruwankuman qhariwarmi kausayninkupi ujchasqallapuni kausakunankupaj?

Phishqa yuyaychaykunata qhawarina.

1. Sonqoykita jarkʼay, ama pitapis munapayaychu, nitaj khuchichakuypi urmanapaj jina kaj millay imasta qhawaychu. Chay imasqa casadosta phiñanachin (Mt 5:28; 2Pe 2:14).

2. Astawan Jehovaman qayllaykuy, matrimonioyki Diosta kusichinanpaj jina kananpajtaj kallpachakuy (Sl 97:10).

3. Diospa qosqan mosoj kausaywan pʼachallikullaypuni. Kusisqa kausakunaykichejpaj qosaykita chayri warmiykita imitallapipis yanapariy (Col 3:8-10, 12-14).

4. Qosaykiwan chayri warmiykiwan sumajta parlarikuy, respetowantaj (Col 4:6).

5. Qhariwarmi jina puñuykushaspaqa ama allinnillaykita maskʼaychu (1Co 7:3, 4; 10:24).

Cristianosqa casado kausayta jatunpaj qhawaspa, Jehová Diosta jatunpaj qhawashanku pay casado kausayta qallarichisqanrayku.

“MANA SAYKʼUSPA CORRENACHEJ”: KAMACHIYKUNATA KASUKUNA NISQA VIDEOTA QHAWAYTAWAN, KAY TAPUYKUNAMAN KUTICHIY:

• 

  Uj matrimonio qallariypi kusisqa kashajtinpis, ¿ima problemastaj rikhurinman?

• 

  ¿Imaynatá Bibliaj yuyaychaykunasnin yanapanman matrimonionkupi manaña munakuy kasqanta yuyajkunata?

• 

  ¿Imastataj Jehová Dios casadosman kamachin?

• ¿Imatataj qosapis warmipis ruwanan tiyan matrimonionpi kusisqa kausakunanpaj?