Jehová Diosta sirviyta ajllay

Ichá joven kanki chayri Bibliamanta yachakushanki. ¿Bautizakuypirí piensarerqankichu? ¿Imaraykutaj bautizakuna tiyan? Jehová Diosman kausayninchejta qopuspa, bautizakuspa imaqa Diospa amigon kayta qallarinchej, salvakuytataj atisunman (Sl 91:1; 1Pe 3:21). ¿Imastataj ruwananchej tiyan Diosman kausayninchejta qopunapaj, bautizakunapajtaj?

Qanpuni reparay yachakusqayki cheqa kasqanta. Imallamantapis astawan yachayta munaspaqa, chayta astawan estudiay (Ro 12:2). Imallapipis cambianayki kasqanta reparakuspaqa, cambianaykipaj kallpachakuy Jehová Diosta kusichiyta munasqaykirayku (Pr 27:11; Ef 4:23, 24). Jehová Diosmanta yanapata mañakuy, paytaj atiyninwan yanapasonqapuni (1Pe 5:10, 11). Kallpachakusqaykeqa mana qhasichu kanqa, imajtinchus Jehová Diosta sirviyqa ni imawan kikinchakunchu (Sl 16:11).

NIRAJ BAUTIZAKUSHAJTINKU NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Ima chʼampaykunatataj wakin hermanos atipananku karqa bautizakunankupaj?

• ¿Imatá ruwasunman sinchʼi creeyniyoj kanapaj ajinamanta Diosman kausayninchejta qopunapaj?

• ¿Imataj ashkha hermanosta yanaparqa bautizakunankupaj?

• ¿Imaynatá Jehová Dios bendicen payta sirvejkunata?

• Diosman kausayninchejta qopuywan, bautizakuywan, ¿imapitaj mana kikinchu?