Jehová Diosqa munakuwasqanchejrayku jasutʼiwanchej

Jasutʼiy palabrataqa oqharikun pitapis munakuywan yuyaychanamanta, yachachinamanta, cheqanchanamanta, castiganamanta ima parlanapaj. Jehovaqa munasqanman jina yupaychananchejpaj jasutʼiwanchej (Ro 12:1; Heb 12:10, 11). Jasutʼeyqa wakin kuti mana kusikunapaj jinachu kanman. Chaywanpis japʼikojtinchejqa Jehová allinpaj qhawawasun, bendeciwasuntaj (Pr 10:7). Jinapis jasutʼejpis, jasutʼichikojpis kay imasta yachananku tiyan.

Jasutʼejkuna. Ancianos, tatas, wajkuna ima mayta kallpachakunku munakuywan, kʼachamantataj Jehová Dios jina jasutʼinankupaj (Jer 46:28). Pillatapis sinchʼita kʼamina kajtenqa ruwasqanman jina kʼamina, munakuywantaj (Tit 1:13).

Jasutʼichikojkuna. Jasutʼiwasqanchejta mana qhesachanachu, nitaj pisipaj qhawanachu, manaqa yuyaychawasqanchejman jina chay rato ruwana (Pr 3:11, 12). Juchasapas kasqanchejrayku tukuy necesitanchej jasutʼisqa kayta. Jasutʼiytaqa japʼisunman Bibliata leespa, tantakuykunapi imatachus nikusqanta uyarispa chayri uj comité judicial jasutʼiwasunman. Jasutʼiwasqanchejta japʼikojtinchej, chayman jinataj kausakojtinchej wiñay kausayta japʼisunchej (Pr 10:17).

JEHOVÁ DIOSQA PIKUNATACHUS MUNAKUN, CHAYKUNATA JASUTʼIN NISQA VIDEOTA QHAWAYTAWAN, KAY TAPUYKUNAMAN KUTICHIY:

• 

  ¿Imaynataj hermano Canonpa kausaynin juchʼuymantapacha karqa, chanta imaspitaj rikukorqa?

• 

  ¿Imaynatataj Jehová Dios jasutʼerqa?

• 

  ¿Imatataj hermano Canonpa kausayninmanta yachakusunman?