Kuraj warmista mamanchejta jina qhawana, sullkʼastataj hermanasninchejta jina

Bibliaqa nin kuraj hermanosta tatanchejta jina qhawanata, kuraj warmista mamanchejta jina, sullkʼa kajkunatataj hermanosninchejta jina (1 Timoteo 5:1, 2 leey). Astawanraj hermanosqa hermanasta respetananku tiyan, nitaj pisipaj qhawanankuchu tiyan.

Uj hermanoqa mana uj hermanata creechinmanchu, nitaj imatapis pʼenqachinanpaj jina ruwanmanchu (Job 31:1). Mana casarakuyta yuyaj soltero hermanoqa, mana qhasipaj pi soltera hermanatapis parlapayananchu tiyan.

Uj hermana yanaparinata necesitajtin chayri imallatapis tapurikojtin, ancianosqa kʼachamanta uyarinkuman, yanaparinkuman ima. Astawanraj chay hermana mana qosayoj kajtin (Rut 2:8, 9).

CONGREGACIONPI MUNAKUYTA RIKUCHINALLAPUNI. VIUDASMAN, WAJCHA WAWASMAN IMA NISQA VIDEOTA QHAWAYTAWAN, KAY TAPUYKUNAMAN KUTICHIY:

• 

  Congregacionmanta hermanos, ¿imaynatá Myint hermananchejta munakusqankuta rikucherqanku?

• 

  Hermanos hermananchejta munakuyta rikuchisqanku, ¿imaynatá chay lugarpi Diospa sutinta jatunchakunanpaj yanaparqa?

• 

  Hermanos hermananchejwan kʼachas kasqanku, ¿imaynatá wawasninta yanaparqa?

¿Imaynasmantá congregacionninchejpi hermanasmanta llakikusqanchejta rikuchisunman?