Precursor kay

Imatachus ruwananchejta ñaupajmantaña allinta yuyaychakuspaqa tiemponchejta, kallpanchejtapis kay qhepa pʼunchaykunapi mana usuchisunchu (1Co 9:26; Ef 5:15, 16). Septiembre killapi mosoj wata qallarin. Chayrayku familiapi Diosta yupaychashaspa parlarikusunman imasta ruwaspachus Jehovapaj astawan llankʼayta atisqanchejmanta. Kay Cristiano Kausayninchej folletopi ashkha yachaqanaspi parlan imaynasmantachus Jehovapaj astawan llankʼayta atisqanchejmanta. Jehovamanta mañakuspataj mayqentachus ruwayta atisqanchejpi piensarisunman (Snt 1:5).

¿Familia ukhupi yanapanakusunmanchu ujllapis precursor regular kananpaj? Ichapis horasta juntʼayta mana atinanchejta yuyashanchej, jina kajtenqa wakin precursoreswan parlarisunman imaynatachus horasninkuta juntʼasqankuta (Pr 15:22). Ichapis familiapi Diosta yupaychanchej tantakuyninchejman uj precursorta invitaspa tapurisunman imaynatachus pay horasninta juntʼasqanta, niwasqanchejman jinataj uj horariota ruwakusunman. Chantapis ñaupajpi precursor karqanchej chayqa, ichapis watejmanta precursor kayta atisunman.

¿Familianchejmanta pillapis uj killata chayri aswan killasta precursor auxiliar kayta atinmanchu? Pisillaña kallpitanchej chayqa, sapa día uj ratitollatapis predicarisunman. Trabajonchejrayku chayri escuelapi kasqanchejrayku chaupi semanapi predicacionman mana llojsiyta atillanchejchu chayqa, ichapis precursor kasunman feriadosniyoj killaspi chayri phishqa sabadosniyoj, phishqa domingosniyoj killaspi. Uj calendariopi anotakusunman ima killaspichus precursor auxiliar kayta munasqanchejta, uj horariotataj ruwakusunman (Pr 21:5).

MANA MANCHACHIKOJ KAYCHEJ: PRECURSORES NISQA VIDEOTA QHAWAYTAWAN KAY TAPUYKUNAMAN KUTICHIY:

• ¿Imaynatá Jehová cuidarqa Emma sutiyoj hermananchejta? ¿Imatá chaymanta yachakunchej?