CRISTIANO KAUSAYNINCHEJ
Jehovaqa pruebasta aguantanapaj yanapawanchej
Kay qhepa pʼunchaykunapeqa sinchʼi pruebaspi rikukunchej. Chaykunataj wakin kutisqa mana aguantay atina kanman. Chaywanpis Jehovaman qayllaykojtillanchejpuneqa, sinchʼi pruebaspi kashajtinchejpis aguantanapaj yanapawasun (Isa 43:2, 4). ¿Imastaj yanapawasunman sinchʼi pruebaspi kashajtinchej Jehovaman qayllaykunapaj?
Orakuna. Jehovaman tukuy llakiyninchejta willakojtinchejqa pay sonqonchejta tiyaykuchenqa, aguantanapajtaj kallpata qowasun (Flp 4:6, 7; 1Te 5:17).
Tantakuykunaman rina. Ni jaykʼaj jina necesitanchej Bibliamanta yachakuyta, tantakuykunapi hermanosninchej kallpacharinawanchejta ima (Heb 10:24, 25). Reunionespaj wakichikojtinchej, reunionesman rejtinchej, comentajtinchej imaqa Jehovaj espiritun sumajta yanapawanchej (Ap 2:29).
Predicana. Tukuy atisqanchejta willanapaj, yachachinapaj ima kallpachakusun chayqa, mana anchata llakikusunchu. Chantapis hermanosninchejman, Jehovaman ima astawan qayllaykusun paykunawan khuska llankʼasqanchejrayku (1Co 3:5-10).
JEHOVÁ DIOSQA WAWANTA JINA CUIDASONQA NISQA VIDEOTA QHAWAYTAWAN, KAY TAPUYKUNAMAN KUTICHIY:
¿Imastaj hermanitanchej Maluta yanaparqa Jehovaj qayllallanpipuni kananpaj?
Hermanitanchej Maluta jina, ¿imaynatá Salmo 34:18 pruebaspi kashajtinchej kallpachawasunman?
Hermanitanchej Malujpa kausaynin, ¿imaynatá rikuchiwanchej pruebaspi rikukojtinchej Jehová ‘sumaj atiyninta’ qowasqanchejta? (2Co 4:7).