CRISTIANO KAUSAYNINCHEJ
Ama pisipaj qhawakunachu
“Jehová Diosqa kamachisninmanta kusikun” (Sl 149:4). Pantaj runas kajtinchejpis, Jehovaqa astawan qhawan imayna sonqoyojchus kasqanchejta, aswan qhepaman imastachus ruwayta atisqanchejtapis. Jinapis ichá wakin kutis noqanchejqa mana Jehová jina yuyayta atillasunmanchu, astawanpis pisipaj qhawakusunman. Ichapis wajkuna kʼumuykachachiwasqanchejrayku chayri ñaupa juchasninchejrayku ni imapaj valesqanchejta yuyasunman, chayri Jehová mana munakuwasqanchejta. ¿Imataj yanapawasunman mana ajinata yuyanapaj?
Bibliaqa nin: “Diosqa mana runa jinallachu qhawan”, nispa (1Sa 16:7). Chayqa niyta munan payqa noqanchejpi rikuyta atisqanta imastachus noqanchej mana rikuyta atinchejchu chayta. Bibliataj willawanchej imatachus Dios noqanchejpi qhawasqanta. Bibliapi wakin versiculosta leerispa, chayri mayqen runaj kausayninmanta chaypi leerispa, sutʼita reparanki may jinatapunichus Jehová kamachisninta munakusqanta.
SONQOYKITA KALLPACHAY JEHOVATA KUSIYWAN YUPAYCHANAYKIPAJ NISQA VIDEOTA QHAWAYTAWAN, KAY TAPUYKUNAMAN KUTICHIY:
Atipanakupi correj jovenpa tatan jina, ¿imatataj Jehová noqanchejpi qhawan?
Pillapis jatun juchata ruwaspa arrepientekuytawan Jehovaman kutirinpunña chayqa, ¿imatá ruwanman sonqon mana juchachanallanpajpuni? (1Jn 3:19, 20).
¿Imaynatá videomanta hermanota yanaparqa Davidmanta Jehosafatmantawan leeriy, tʼukuriy ima?