CRISTIANO KAUSAYNINCHEJ
Jehovamin llakisqa kajkunata salvan
Tukuypis maypi jina llakikunchejpuni. Llakisqa kayqa mana ninayanchu Jehovapi mana creesqanchejta. Jehovapis wakin kutisqa llakikun (Gé 6:5, 6). Jinapis, ¿imatá ruwasunman llakiyninchej ancha sinchʼi kajtin chayri tukuy tiempo llakisqalla kajtinchej?
Jehovamanta yanapata mañakuna. Payqa mayta llakikun imaynachus kashasqanchejmanta, imaynachus sonqonchej kashasqanmantapis. Payqa sumajta yachan llakisqachus kusisqachus kashasqanchejta. Astawanpis sumajta entienden imaraykuchus imatapis yuyasqanchejta, imaraykuchus ajina kashasqanchejtapis (Sl 7:9 tukukuynin). Mana chayllachu, Jehovaqa noqanchejmanta llakikusqanrayku, llakisqa kashajtinchej chayri sinchʼi llakisqa kashajtinchejpis yanapayta atiwanchej (Sl 34:18).
Yuyayninchejta jarkʼana. Sonqo nanasqa kaspaqa mana kusisqachu kanchej, chantapis Jehovamanta karunchakusunman. Chayrayku sonqonchejta sumajta waqaychananchej tiyan, nisunman yuyayninchejta, imaynachus kashasqanchejtapis (Pr 4:23).
HERMANOSNINCHEJQA KUSISQAS, SONQO TIYASQASTAJ KASHANKU SINCHʼITA LLAKIKUSQANKURAYKU ONQOSPAPIS NISQA VIDEOTA QHAWAYTAWAN, KAY TAPUYKUNAMAN KUTICHIY:
¿Imastá Nikki ruwarqa sinchʼi llakiyninwan mana atipachikunanpaj?
¿Imaynapí Nikki reparakorqa doctorman rinan kasqanta? (Mt 9:12).
¿Imatá Nikki ruwarqa Jehová yanapananpi atienekunanpaj?