Llimphu yuyayniyoj kana

Diosta tukuy sonqo kasukusqanchejtaqa mana ruwasqallanchejwanchu, chayri parlasqallanchejwanchu rikuchinchej, manaqa imatachus yuyasqanchejwanpis (Sl 19:14). Chayrayku Bibliaqa kay imaspi yuyananchejta niwanchej: tukuy ima cheqa kajpi, tukuy ima jatunpaj qhawasqa kajpi, tukuy ima cheqan kajpi, tukuy ima llimphu kajpi, tukuy ima kʼacha kajpi, tukuy ima sumajpaj qhawasqa kajpi, tukuy ima allin kajpi, jatunchanapaj jina kaj imaspipis (Flp 4:8). Mana allin yuyaykunaqa ichapis jamuwasunpuni. Jinapis munayninchejwan mana atipachikusunchu chayqa, chay mana allin yuyaykunata umanchejmanta wijchʼusun, allin imaswantaj juntʼachisun. Yuyasqanchej llimphu kanqa chayqa, tukuy ruwasqanchejpis llimphullataj kanqa (Mr 7:21-23).

Sapa textoj uritanpi qhelqay ima yuyaytachus qhesachananchej kasqanta:

Romanos 12:3

Lucas 12:15

Mateo 5:28

Filipenses 3:13