“Ñaupa runaspa juchasninkutataj perdonarqa”

Jesús yawarninwan kacharichiwasqanchejraykulla perdonta tariyta atinchej (Efe. 1:7). Jinapis Biblia nin: “Payqa pacienciakorqa, ñaupa runaspa juchasninkutataj perdonarqa”, nispa. Chayqa karqa niraj Jesús kausayninta qoshajtin (Rom. 3:25). Chanta, ¿imaynatá Jehová chayta ruwayta aterqa kamachiykunasninta mana pʼakispalla?

Jehovaqa paypi, nisqasninpipis creejkunata salvananpaj uj ‘miray’ rikhurinanta nerqa. Chayta nishajtintaj paypajqa Jesús yawarninwan kacharichiwanchejmanñapis jina karqa (Gén. 3:15; 22:18). Jehovaqa sutʼita yacharqa Wawanqa maychus tiemponpi kausayninta runasta kacharichinanpaj qonantapuni (Gál. 4:4; Heb. 10:7-10). Jesusqa Diospa sutinpi kay jallpʼaman jamuspa atiyniyoj karqa juchasta perdonananpaj, niraj kausayninta qoshaspapis. Jesusqa yacharqa wañuynenqa juchasninkuta pʼampayta atisqanta, chayrayku creeyniyoj kajkunaj juchasninkuta perdonayta aterqa (Mat. 9:2-6).