Mosoj imasta yachakuyta munaspa estudiay

Estudianapaj wakichikushaspa, ichapis kayta tapurikusunman: “¿Imatataj yachakusaj?”, nispa. Uj imata yachakuyta munaspa estudiajtinchejpis, allin kanman reparayta yachananchej ima mosoj imastachus Jehová yachachiyta munawasqanchejta. ¿Imaynatá chayta ruwasunman?

Jehovamanta yachayta mañakuy. Ama yachasqallaykiwan kusikuychu (Pro. 3:5, 6). Jehovamanta yanapata mañakuy imatachus kunan yachakunaykita munasqanta reparanaykipaj (Sant. 1:5).

Diospa Palabranpa atiynin yanapasunanta saqekuy. “Diospa palabranqa kausashan” (Heb. 4:12). Bibliata sapa kuti leespa mosoj imasta yachakusunman. Chantapis chayta ruwayqa imaymanasmanta yanapawasunman. Chaypajqa mosoj imasta yachakuyta munaspa Bibliata leenanchej tiyan.

Imaswanchus Jehová yachachiwasqanchejmanta agradecekuy. Imastachus Jehová paymanta yachakunapaj qowanchej chay imasqa, ‘sumaj waykʼusqa mikhunas jina’ kanku (Isa. 25:6). Ama wakin “mikhunasta” uj ladoman churarpaychu mana gustasunanta yuyaspa. Chay ‘mikhunasqa’ mayta yanapasonqa, maytataj chaywan miskʼirichikunki.