Sumajta yanapachikuna referencias marginaleswan

Mosoj Jallpʼapi Kausajkunapaj Diospa Palabran Bibliapeqa, wakin palabraspa laditonpi juchʼuy letritas rikhurin. ¿Imapajtaj chay letritas? Referencias marginales kasqanta yachananchejpaj. Chay referencias marginalespeqa Bibliamanta textos anotasqa tiyan. Chay textostaj imamantachus chay versículo parlashan chay kikin imasllamantataj waj imitastawan yapaykurin. Chaypi reparanchej Bibliaj nisqanqa ujlla kasqanta. Bibliayki papelpi kapusunki chayqa, chay letritas textosnintin hojaj chaupinpi rikhurin. Jw.org paginanchejpiwan JW Library^® aplicacionpiwantaj chay letritata ñitʼiykojtinchejkama uj texto rikhurin.

Chay referenciaspi kaykunasta tarisunman:

Kikin imasmanta parlaj textos: Chay referenciaqa kikillanmantataj parlaj textoman apawanchej. Ajina referencia tiyan 2 Samuel 24:1 versiculopi. Chay referenciataj apawanchej 1 Crónicas 21:1 versiculoman, Cronicasmanta letritataj Samuelman apallawanchejtaj.

Maymantachus uj versículo orqhokusqan: Chay jina referenciapi tarinchej maymantachus chay texto orqhosqa kasqanta. Mateo 4:4 versiculomanta referenciaqa, Deuteronomio 8:3 versiculomanta orqhosqa kasqanta rikuchin.

Profecía, juntʼakusqan ima: Chay jina referenciaqa rikuchin profeciata chayri juntʼakuyninta. Chaykunamanta ujnintataj tarisunman Zacarías 9:9 versiculopi, Mateo 21:5 versiculopiwan.