¿Imaraykutaj runas mana allin kausayta apamuyta atinkuchu? | ¿Imatá Biblia nin?

Ni jallpʼantinmanta gobiernospis, ni jatuchaj organizacionespis kunankama allin kausayta apamuyta atinkuchu. Segunda Guerra Mundialmantapachaqa kunan astawan chʼajwas yapaykukushan. 2 mil millones runas jinapuni maypichus chʼajwas, guerras kan chaypi tiyakunku, nisunman tukuy runasmanta khuskanpa khuskanninpuni.

¿Imaraykutaj runas mana allin kausayta apamuyta atinkuchu? ¿Imatá chaymanta Biblia nin?

Kinsa imasrayku runas mana allin kausayta apamuyta atinkuchu

1. 1. Bibliapi nin kay tiempopi runas kay jina kanankuta: “Runasqa paykunallata munakonqanku, qolqeta munakonqanku, alaracos kanqanku, jatunchakonqanku, […] wasanchajkuna kanqanku, […] mana uj yuyayllaman chayayta munanqankuchu, […] munayninkuwan atipachikonqanku, manchay phiñas kanqanku, […] kʼullus kanqanku, mayta runaykachanqanku”, nispa. Chayrayku runasqa ni kallpachakullankupischu allin kausay kananpaj (2 Timoteo 3:2-4).

2. 2. Runasqa mana sapallankumanta problemasta allinchayta atinkuchu ashkha ukhu kaspapis. Problemastaqa Ruwawajninchej Jehovaj yanapaynillanwan allinchayta atinchej.a Bibliapi nin: “Runaqa mana nillaytapis atinchu imatachus kausayninpi ruwananta”, nispa (Jeremías 10:23).

3. 3. Mundontenqa atiyniyoj sajra Diabloj makinpi kashan. “Payqa jallpʼapi kaj tukuy runasta chʼaukiyashan”. Chayrayku mundo entero Diabloj makinpi kanankamaqa, chʼajwaswan guerraswan kallanqapuni (Apocalipsis 12:9; 1 Juan 5:19).

¿Pitaj allin kausayta apamonqa?

Bibliapi niwanchej Dios allin kausayta apamunanta, nitaj runaschu.

• “Jehová Diosqa nin: ‘Noqaqa allinta yachani imatachus qankunapaj munasqayta. Noqaqa munani allinta kausakunaykichejta, manataj ñakʼarinaykichejtachu. Chayrayku ama iskayrayaychejchu aswan qhepamanpis allinta kausakunaykichejmanta’”, nispa (Jeremías 29:11).

¿Imaynatá Dios chay nisqanta juntʼanqa? Bibliapi ajinata niwanchej: “Allin kausayta qoj Diosqa, pisimantawan Satanasta […] pʼaltarparenqa”, nispa (Romanos 16:20). Diosqa cielopi uj gobiernota sayarichinña, chay gobiernonejtataj allin kausayta kay jallpʼaman apamonqa. Chaytataj Biblia nin ‘Diospa Gobiernon’ nispa. Chay gobiernopitaj Jesucristo Rey kanqa (Lucas 4:43). Kay jallpʼata Jesús kamachishajtintaj runasqa allinta kausakuyta yachakonqanku (Isaías 9:6, 7).

• Astawan yachakunaykipajqa kayta leeriy: “¿Imastataj Diospa Gobiernon ruwanqa?”.