¿Imastá Diosmanta mañakusunman?

Bibliaj kutichisqan

Biblia yuyaychasqanman jina mañakojtinchej Dios uyariwanchej. Biblia nin: “Chayrayku munayninman jinachus imallatapis mañakunchej chayqa, yachanchej pay uyarinawanchejta”, nispa (1 Juan 5:14) Imachus phutichiwasqanchejta orakuspa Diosman willakusunman. Biblia niwanchej: “Sonqoykichejpi kaj chhikata payman willakuychej”, nispa (Salmo 62:8).

Kaykunata mañakusunman

• Diospi creeyninchej astawan wiñananpaj (Lucas 17:5).

• Diospa espíritu santonta, nisunman kallpanta mañakusunman cheqan kajta ruwananchejpaj (Lucas 11:13).

• Kallpata chʼampaykunata atipananchejpaj, juchamantaj mana urmananchejpaj (Filipenses 4:13).

• Diospa sonqo tiyaykuyninta (Filipenses 4:6, 7).

• Yachayta sumajta ajllananchejpaj (Santiago 1:5).

• Imachus sapa pʼunchay necesitasqanchejta (Mateo 6:11).

• Juchasninchejmanta perdonanawanchejta (Mateo 6:12).