¿Imaynatá Kuraj Supay engañawasunman?
Biblia nin
Kuraj Supaywan demonioswanqa runasta tukuy imawan engañanku. Chayrayku Biblia nin, “mundontinmanta runastaj Kuraj Supaypa makinpi kasqankuta” (1 Juan 5:19). Bibliallataj willawanchej Kuraj Supay imaswanchus engañayta atiwasqanchejta. Wakinmanta parlarina.
Trampas. Biblia niwanchej sinchʼita sayaychej “Kuraj Supaypa tojllasninman ama urmanaykichejpaj” nispa (Efesios 6:11). Kuraj Supaypa kamachisnenqa cheqan kajta ruwajkunaman rijchʼakunku, ajinamanta engañanawanchejpaj (2 Corintios 11:13-15).
Layqerios. Kuraj Supayqa adivinosnejta, estrellaspi suerteta qhawajkunanejta, animota wajyajkunanejta, aysiris, yatiris, jampirisnejta, waj imasnejta ima engañawasunman (Deuteronomio 18:10-12). Chantapis drogakojkuna, layqerioswan chajrusqa imasta ruwajkunapis, Kuraj Supaypa makinman churakunku (Lucas 11:24-26).
Llulla religión. Bibliaj nisqanta qʼewej religionesqa, pantasqata yachachisqankurayku mana runasta yanapankuchu Diosta kasukunankupaj (1 Corintios 10:20). Bibliataj nin chay yachachiykunaqa, ‘supaykunaj yachachiyninku’ kasqanta (1 Timoteo 4:1).
Supaykuna runasman yaykun. Bibliaqa supayniyoj runasmanta parlan. Wakin kutis chay supaykuna runata ciegoyachej, opayachej ima, chantapis paykuna kikin imatapis ruwakunankupaj tanqaj (Mateo 12:22; Marcos 5:2-5).
¿Imatá ruwasunman Kuraj Supaywan mana engañachikunapaj?
Noqanchejqa mana manchachikunanchejchu tiyan, ni Kuraj Supayta nitaj demoniostapis. Biblia niwanchej paykunaman sinchʼita sayaykunanchej kasqanta. ¿Imaynatá chayta ruwasunman? Chaypajqa:
Kuraj Supay “ima mañasniyojchus” kasqanta, mayqenchus trampasnin kasqantapis yachananchej tiyan. Chayta yachaspaqa mana tojllasninpi urmasunchu (2 Corintios 2:11).
Bibliata estudiana, yachakusqanchejman jinataj kausakuna. Biblia yuyaychawasqanchejman jina imatapis ruwasun chayqa, mana Kuraj Supaywan nitaj demoniosninwanpis engañachikusunchu (Efesios 6:11-18).
Layqerioswan chhapusqa imasninchejta chinkachina (Hechos 19:19). Ichapis chaykunaqa kanman: cuadros, libros, videos, takiykuna, revistas ima.